ક્રાઈમ / શરમજનક બનાવ: 20 વર્ષીય યુવતી સાથે લખનૌથી મુંબઈ જતી ટ્રેનમાં સામૂહિક દુષ્કર્મ, લોકોમાં રોષનો માહોલ

• ચાલુ ટ્રેને 20 વર્ષની યુવતી સાથે સામૂહિક દુષ્કર્મ 
• 7 થી 8 લૂંટારુઓએ લૂંટને અંજામ આપી આચર્યું સામૂહિક દુષ્કર્મ 
• પોલીસે 4 શંકાસપ્દ આરોપીઓની કરી ધરપકડ 

દેશમાં હવે દિવસેને દિવસે મહિલાઓની સુરક્ષાને લઈને સવાલો ઉભા થી રહ્યા છે. આ વાત અમે એટલા માટે કહી રહ્યા છે કારણકે લખનૌથી મુંબઈ આવતી ટ્રેન પુષ્પકલ એક્સપ્રેસમાં એક મહિલા યાત્રી સાથે ચાર લોકોએ સામુહિક દુષ્કર્મ આચર્યું હોવાનું સામે આવ્યું છે. જેના કારણે ચકચાર મચી જવા પામી છે. 

7 થી 8 લૂંટારુઓએ આચર્યુ સામૂહિક દુષ્કર્મ 

સમગ્ર મામલે પોલીસને જાણ થતા પોલીસ પણ આ ઘટનાની ગંભીરતાને ધ્યાનમાં રાખીને આરોપીઓને શોધી રહી છે. પ્રાપ્ત થતી માહિતી અનુસાર ટ્રેનમાં અચાનકથી 7 થી 8 ચોર ઘુસી ગયા હતા. જેમણે પહેવા યાત્રિઓ સાથે લૂંટફાટ કરી હતી. બાદમાં તેમણે ટ્રેનમાં મુસાફરી કરતી 20 વર્ષીય યુવતીનો ગેંગ રેપ કર્યો હતો. 

4 શંકાસ્પદ આરોપીઓની ધરપકડ 

સમગ્ર મામલે પોલીસે હાલ 4 શંકાસ્પદ આરોપીઓની ધરપકડ કરી છે. જોકે આ ઘટનાને કારણે મહિલાઓની સુરક્ષાને લઈને ગંભીર પ્રશ્નો ઉઠી રહ્યા છે. ગઈકાલે રાતે 8 વાગ્યાની આસપાસ આ ઘટના સ્લીપર ટ્રેનના સ્લીપર કોચમાં બની હતી. આ ઘટનાને કારણે ટ્રેનમાં જે પણ યાત્રીઓ મુસાફરી કરી રહ્યા હતા તેમનામાં ભયનો માહોલ ફેલાયેલો છે. 

લૂંટને અંજામ આપી આચર્યું દુષ્કર્મ 

પોલીસના કહેવા પ્રમામે ટ્રેન જ્યારે ઘાટ વિસ્તારમાં હતી ત્યારે લૂંટારુઓએ યુવતી સાથે સામૂહિક દુષ્કર્મ આચર્યું હતું. બાદમાં જ્યારે કસારા રેલ્વે સ્ટેશન આવ્યું ત્યારે પીડિતાએ મુસાફરોની મદદ માગી હતી. લૂંટારુઓએ મુસાફરોના 96 હજારના મોબાઆલ તો લૂંટ્યા સાથેજ તેમણે 34 હજાર રોકડ રકમની પણ લૂંટ કરી હતી.