ભોપાલની 23 વર્ષીય ગર્ભવતી મહિલા પર વલસાડમાં સામૂહિક દુષ્કર્મ થયું હોવાની ઘટના સામે આવી છે. પબજી ગેમ આ વખતે મહિલાને ફસાવાની જાળ બની હોવાનું સામે આવ્યું છે. આ મહિલા પબજી રમતા રમતા ઓનલાઈન યુવકના સંપર્કમાં આવી અને પછી દુષ્કર્મ, અશ્લીલ વીડિયો અને બ્લેકમેઈલીંગનો સિલસિલો ચાલુ થયો હતો.
ભોપાલની પરિણીત મહિલા પર વલસાડમાં સામૂહિક દુષ્કર્મ
પબજી રમતા સમયે મહિલા યુવકના સંપર્કમાં આવી હતી
ક્યારની છે ઘટના
ઘટના છે 1 અને 2 ઓક્ટોબરની છે. ભોપાલની પરિણીતા પબજી રમતા સમયે એક યુવકના સંપર્કમાં આવી હતી.
કેવી રીતે પરિણીતા ફસાઈ
યુવકે મોટા પગારની લાલચ આપીને પરિણીતાને મુંબઈ બોલાવી હતી. જેથી 1 ઓક્ટોબરે પરિણીતા ઘરે કહ્યા વગર મુંબઈ ગઈ હતી. જ્યાં યુવક સાથે હોટલમાં રોકાઈ હતી. જ્યાં આરોપીએ કેફી દ્રવ્ય પીવડાવીને પરિણીતા પર દુષ્કર્મ આચર્યું હતું. અને ત્યાર બાદ તેની ક્લિપિંગ ઉતારી લીધી હતી. અને મહિલાને આ ક્લિપિંગ વાયરલ કરવાની ધમકી આપીને વલસાડ લઈ ગયો હતો.
વલસાડમાં મિત્રો સાથે મળીને આચર્યુ દુષ્કર્મ
જ્યાં આરોપીએ તેના અન્ય બે મિત્રો સાથે મળીને પરિણીતા પર સામૂહિક દુષ્કર્મ આચર્યું હતું. જે બાદ આરોપીઓ ત્યાંથી ફરાર થઈ ગયા હતા. બીજી તરફ પરિણીતાના પતિએ તેની પત્ની ગુમ થયાની ફરિયાદ નોંધાવી હતી. જેના આધારે પોલીસે લોકેશન ટ્રેસ કરીને પરિણીતાને શોધી લીધી હતી. જોકે 6 ઓક્ટોબરે પરિણીતાનું મીસ કેરેજ થઈ ગયું હતું. જે બાદ પતિને સમગ્ર ઘટના કહેતા પોલીસ સ્ટેશન સુધી મામલો પહોંચ્યો હતો. તો ભોપાલ પોલીસે આ ફરિયાદ મુંબઈ પોલીસને ટ્રાન્સફર કરી હતી. જે મામલે હવે પોલીસે તપાસ હાથ ધરી છે. તો બીજી તરફ ત્રણેય આરોપીઓ ફરાર થઈ ગયા છે.