દુષ્કર્મ / સલામત ગુજરાતની ડરામણી વાસ્તવિકતા : કિશોરીને છરીની અણીએ ગેંગરેપ કરી વીડિયો ઉતારી વાયરલ કર્યો, જાણો મામલો

• રાજ્યમાં મહિલા સુરક્ષા પર ઉઠ્યા સવાલ
• કિશોરી સાથે સામૂહિક દુષ્કર્મ
• પાટણના સાંતલપુરમાં કિશોરી સાથે સામૂહિક દુષ્કર્મ

રાજ્યમાં મહિલા સુરક્ષાના દાવાઓ પર સવાલ ઉઠ્યા છે. પાટણના સાંતલપુરમાં સામૂહિક દુષ્કર્મની ઘટનાએ ખળભળાટ મચી ગયો છે. બકુત્રા ગામની શાળામાં કિશોરી સાથે સામૂહિક દુષ્કર્મની દુર્ઘટના સામે આવી છે. છરી બતાવી કિશોરીને ધમકી આપી દુષ્કર્મ આચર્યું હોવાનું સામે આવતા સલામત ગુજરાત પર સવાલો ઉઠી રહ્યા છે. 

દુષ્કર્મ આચરી વીડિયો વાયરલ કર્યો

ચાકુની અણીએ 3 શખ્સોએ  કિશોરીને પિંખી નાંખી હતી. તેમની હેવાનિયત ત્યાં ન અટકી પણ આરોપીઓએ આ દુર્ઘટનાનો વીડિયો પણ ઉતાર્યો હતો. આટલેથી આ દીકરીઓના દુશ્મન ન અટક્યા પણ તેમણે આ દુષ્કર્મ આચરી વીડિયો વાયરલ કર્યો છે.

3 શખ્સો સામે પોલીસ ફરિયાદ

આ ત્રણ હેવાનો સામે પોલીસ ફરિયાદ દાખલ કરવામાં આવી છે. 3 શખ્સો સામે પોલીસ ફરિયાદ દાખલ કરાઇ છે. મિતાજખાન સિપાઇ શક્તિસિંહ જાડેજા, જગતસિંહ જાડેજા નામના ત્રણ શખ્સો સામે ફરિયાદ દાખલ કરવામાં આવી છે.