રાજ્યમાં છેલ્લા કેટલાક સમયગાળાથી દુષ્કર્મની ઘટનાઓ વધી રહી છે, રાજકોટ, સુરત અને વડોદરાના નવલખી મેદાનમાં બાળકી સાથે બનેલી દુષ્કર્મની ઘટના બાદ ગત મોડી રાતે અમદાવાદના નારોલ વિસ્તારમાં રહેતી એક બાળકી સાથે દુષ્કર્મ થયું હોવાની ઘટના સામે આવી છે. આ બનાવને પગલે શહેરમાં ફરી એકવાર ચકચાર મચી જવા પામી હતી.
અમદાવાદમાં બાળકી સાથે દુષ્કર્મની ઘટના
બાળકીને સિવિલ હોસ્પિટલમાં ખસેડાઇ
શહેરમાં મચી ચકચાર
નોંધનીય છે કે, નારોલમાં 12 વર્ષની બાળકી સાથે દુષ્કર્મ થતા તેને શહેરની સિવિલ હોસ્પિટલના ICU વિભાગમાં દાખલ કરવામાં આવી છે. આ મામલે પોલીસે હાલ અપહરણ અને પોસ્કો હેઠળ ગુનો દાખલ કર્યો છે.
ગત મોડી રાતે અપહરણ બાદ બની દુષ્કર્મની ઘટના
અમદાવાદના નારોલમાં બાળકીના અપહરણની ફરિયાદ નોંધાય છે. પોલીસે અપહરણ અને પોસ્કોની ફરિયાદ નોંધી છે. કિશોરી ગુમ થયા બાદ નજીકની સોસાયટી પાસેથી તે મળી આવી હતી.
પેટમાં દુઃખાવો થતો હોવાની બાળકીની ફરિયાદ
આ સોસાયટીના રહીશોએ બાળકીને પોલીસને સોંપી હતી. બાઈક પર આવેલા બે શખ્સો અપહરણ કર્યુ હતું અને ત્યારબાદ દુષ્કર્મ કર્યું હતું. ત્યારબાદ બાળકીને પેટમાં દુઃખાવો થતા હોસ્પિટલમાં ખસેડવામાં આવી છે.
હૈદરાબાદમાં રિક્ષાચાલક શખ્સે 18 વર્ષીય યુવતી સાથે દુષ્કર્મ
બીજી તરફ દેશમાં વધુ એક દુષ્કર્મની ઘટના સામે આવી છે. હૈદરાબાદમાં 18 વર્ષીય યુવતી સાથે દુષ્કર્મની ઘટના બની છે. જેમાં રિક્ષાચાલક શખ્સે યુવતી સાથે કૃત્ય આચર્યુ હતું. દુષ્કર્મ બાદ રિક્ષાચાલક શખ્સ ફરાર થયો હતો. યુવતીને સારવાર માટે હોસ્પિટલ ખસેડાઈ છે. પોલીસે આરોપી રિક્ષાચાલકની શોધખોળ હાથધરી છે.