વડોદરામાં સગીરા સાથે સામૂહિક દુષ્કર્મ મામલે પોલીસ દ્વારા તપાસ કરવામાં આવી રહી છે. એક દિવસથી વધુ સમય વિત્યા બાદ પોલીસ હજુ સુધી આરોપીઓને ઝડપી શકી નથી.. બે શખ્સોએ નવલખી મેદાનમાં સગીરા પર દુષ્કર્મ આચર્યુ હતુ. પોલીસે 25 જેટલા શકમંદોની અટકાયત કરી છે. દુષ્કર્મ મામલે પોલીસે તમામ શકમંદોની અટકાયત કરી છે. સગીરા અને તેના મિત્રએ આપેલી માહિતીના આધારે અટકાયત કરાઈ છે.
શું હતી ઘટના?
રાજ્યમાં સરકાર દ્વારા બેટી પઢાઓ અને બેટી બચાઓના નારા લગાવવામાં આવે છે. જોકે સરકારના અભિયાન માત્ર કાગળ પર હોય તેવુ લાગી રહ્યુ છે. રાજ્યના મોટા શહેરમાં હજુ પણ દીકરીઓ સાથે દુષ્કર્મની ઘટનાઓ જોવા મળી રહી છે. વડોદરા અને રાજકોટમાં દીકરીઓ પર દુષ્કર્મ આચરવામાં આવ્યુ.
વડોદરામાં બે શખ્સોએ મળીને નવલખી મેદાનમાં સગીરા પર દુષ્કર્મ આચર્યુ. સગીરા પોતાના મિત્રને મળવા પહોંચી હતી ત્યારે બે શખ્સોએ ઝાડીઓમાં લઈ જઈને સગીરા પર દુષ્કર્મ આચર્યુ હતુ. આ મામલે પોલીસે ફરિયાદ તો નોંધી છે, જોકે એક દિવસ વિત્યા બાદ પણ પોલીસ આરોપીઓને પકડી શકી નથી. તો બીજી તરફ રાજકોટમાં 8 વર્ષની બાળકી સાથે અજાણ્યા શખ્સોએ દુષ્કર્મ આચર્યુ. બાળકીનું અપહરણ કરીને દુષ્કર્મ આચરવામાં આવ્યુ હતુ. આ ઘટના બાદ પોલીસે બાળકીને સારવાર માટે સિવિલ હોસ્પિટલમાં ખસેડી હતી.
દુષ્કર્મ આચરનારા નરાધમો ક્યારે દંડાશે?
પોલીસના હાથ 24 કલાક બાદ પણ કેમ ખાલી ? આવા નરાધમોને કોણ ભણાવશે પાઠ? કોણ છે એ નરાધમો જેણે માસૂમને પણ ન બક્ષી? શું આવા નરાધમોને કડક સજા ન થવી જોઈએ?
રાજકોટમાં પણ 8 વર્ષની બાળા સાથે સામૂહિક દુષ્કર્મ
રાજકોટમાં 8 વર્ષની બાળકી સાથે દુષ્કર્મ થયાની વધુ એક ઘટના સામે આવી છે. બાળકીનું અપહરણ કરીને દુષ્કર્મ આચર્યું છે.બાળકીનું અજાણ્યા શખ્સો અપહરણ કરીને દુષ્કર્મ આચર્યું છે. હાલ બાળકીને સારવાર માટે સિવિલ હોસ્પિટલ ખસેડાઇ છે.
સુરતમાં પણ 11 વર્ષની બાળકીને પિતા જ બનાવી ટાર્ગેટ
સુરતમાં સાવકા પિતા દ્વારા દીકરી ઉપર દુષ્કર્મનો બનાવ સામે આવ્યો છે. જયારે રક્ષક જ ભક્ષક બને ત્યારે દીકરીઓનું કોણ તે પણ એક મોટો પ્રશ્ન છે. પિતા દ્વારા જ પુત્રી સાથે થઈ રહેલા પાપનો ભાંડો પુત્રએ જ ફોડી નાંખ્યો હતો.