સામૂહિક દૂષ્કર્મ / રાજકોટ પર લાંછન લગાવતો વધુ એક દૂષ્કર્મનો કિસ્સો, ત્રણ શખ્સે આચર્યું દૂષ્કર્મ

• રાજકોટમાં 1 સપ્તાહમાં સામૂહિક દુષ્કર્મની બની બીજી ઘટના 
• જિલ્લા બાદ શહેરમાં પણ બની સામૂહિક દુષ્કર્મની ઘટના
• કેટરિંગના બહાને જેતપુરની મહિલાને રાજકોટ બોલાવી આચર્યુ દુષ્કર્મ

રાજકોટમાં એક અઠવાડિયાની અંદર સામૂહિક દૂષ્કર્મની બીજી ઘટના બની છે. જિલ્લા બાદ શહેરમાં પણ સામૂહિક દૂષ્કર્મની ઘટના બની છે. કેટરિંગના બહાને જેતપુરની મહિલાને રાજકોટ બોલાવી દૂષ્કર્મ આચરવામાં આવ્યું હોવાનું સામે આવ્યું છે. 
 

જેતપુરની મહિલાને ફલેટ પર લઇ જઇ ત્રણ શખ્સોએ દુષ્કર્મ આચર્યું છે. આ મહિલાએ અભ્યમ દ્વારા પોલીસને જાણ કરી છે. જ્યારે બીજી તરફ જિલ્લામાં નોંધાયેલ દુષ્કર્મના આરોપીઓ પોલીસ પકડથી દૂર છે. ભાજપ અગ્રણી અને તેના મિત્રો હજુ પણ પોલીસ પકડથી દૂર છે. 
 

ઉલ્લેખનીય છે કે એક અઠવાડિયા અગાઉ દુષ્કર્મની ઘટના સામે આવી હતી. જેમાં ત્રણ શખ્સોએ સાથે મળીને પીડિતા પર દુષ્કર્મ આચર્યું  હતું. જેને લઇને કોટડા સાંગણીના રામોદ ગામના ભાજપના નેતાના દીકરા સામે દુષ્કર્મની ફરિયાદ થઇ છે.  જેમાં ભાજપના અગ્રણી અને સરપંચના દીકરાએ બે શખ્સ સાથે મળીને એક યુવતીનું અપહરણ કર્યું હતું. પીડિતાનું અપહરણ કરીને ત્રણ શખ્સોએ અન્ય સ્થળે દુષ્કર્મ આચર્યું હતું.