ન્યાય / અમદાવાદમાં દુષ્કર્મના આરોપીને માથે મુંડન કરાવી જાહેરમાં ફેરવ્યો અને મંગાવી માફી

• દુષ્કર્મ આચરી બનાવ્યો વીડિયો, કરી બ્લેકમેલ
• પોલીસ પહોંચે એ પહેલા પ્રજાએ આપ્યો ન્યાય
• આરોપીનું મુંડન પણ કરી કરાવી ઉઠક બેઠક

અમદાવાદના વેજલપુર વિસ્તારમાં આવેલા ફતેવાડી વિસ્તારમાં એક શ્રમિક મહિલા પર દુષ્કર્મની ઘટના સામે આવી હતી. દુષ્કર્મની ઘટના બાદ સ્થાનિકોને જાણ થતાં એક આરોપીને ઝડપી લીધો હતો. અને માફી મંગાવીને ઉઠક બેઠક કરાવી હતી. સાથે જ આરોપીનું મુંડન પણ કરાવ્યું હતું.

શું કહે છે પોલીસ

પોલીસના જણાવ્યાનુસાર આરોપીઓએ શ્રમિક મહિલાના ગળે ચાકુ રાખીને દુષ્કર્મ આચર્યું હતું. સ્થાનિકોએ આ મામલે આરોપીને મેથીપાક પણ ચખાડ્યો હતો. 

CCTV આવ્યા સામે

દુષ્કર્મ પહેલા આરોપીઓ ટુવ્હીલર લઈને પેટ્રોલ ભરાવવા ગયા હતા. ત્યાંના CCTV  પણ સામે આવ્યા છે. જેમાં બે આરોપી એક મહિલાને લઈને પેટ્રોલ પંપ પર આવે. પેટ્રોલ ભરાવ્યા બાદ મહિલા સાથે માથાકૂટ કરે છે. અને મહિલાને બળજબરી ટુવ્હીલર પર બેસાડે છે. 

કોઈએ મહિલાની મદદ ન કરી

આ દરમિયાને પેટ્રોલ પંપ પરનો કર્મચારી અને ત્યાં આસપાસ અનેક લોકો વાહનમાં ઈંધણ ભરાવી રહ્યા તેમાંથી એક પણ વ્યક્તિએ મહિલાની મદદ ન કરી. કે ન કોઈએ પૂછ્યું કે આ શખ્સો શા માટે ટુવ્હીલર પર જબરદસ્તી બેસાડી રહ્યા છે. ત્યારે આ મામલે પોલીસે વધુ કાર્યવાહી હાથ ધરી છે. જોકે હજુ સુધી આરોપીઓની ધરપકડ કરવામાં આવી નથી.