આ વર્ષે ગણેશ ચતુર્થી 2 સપ્ટેમ્બરના રોજ આવે છે. આ દિવસથી દેશભરમાં ગણેશોત્સવની શરૂઆત થશે.
આ દિવસથી લોકો પોતના ઘરે વિધ્નહર્તા ગણપતિની મૂર્તિ લાવીને સ્થાપના કરશે અને મંગલ કામના સાથે પૂજા કરે છે. જોકે શું તમે જાણો છો કે, ગણપતિની સ્થાપના અને પૂજાનની સાચી રીત કઇ છે?
ગણેશ ચતુર્થીની પૂજા માટે સૌથી પહેલા બજારમાંથી ગણપતિની એક નવી પ્રતિમા લઇને આવો. જો તમે ઘરમાં ગણપતિની સ્થાપના ના કરવા માંગતા હોવ તો પૂજામાં રહેલી અક્ષત સોપારીને પણ તમે ગણપતિ તરીકે પૂજી શકો છો અને પછી તેણે પૂજા સ્થાનમાં સ્થાપિત કરી શકાય છે.
મૂર્તિ સ્થાપનાની રીત:
ગણપતિને ઘરે લઇન આવતા પહેલ પૂજાના સ્થળને સાફ કરીને શુદ્ઘ કરી લો. હવે આ જગ્યાએ લાલ કપડુ પાથરી તેના પર ચોખાની ઢગલી કરો અને પછી તેના પર ગણપતિજીની સ્થાપના કરો. ગણપિતજીને દૂર્વા અથવા પાન દ્વારા ગંગાજળથી સ્નાન કરાવો. સ્નાન પછી ગણપતિને પીળા વસ્ત્ર સમર્પિત કરો. આ પછી કંકુ લાગવીને અક્ષત લગાવો. ફૂલ ચઢાવીને ભગવાનનો પ્રિય ભોગ મોદક ધરાવો. તેમજ ઘરના દરેક સભ્યો સાથે મળીને ગણપતિજીના ભજન-કિર્તનમાં ભાગ લો. ગણપતિ દરરોજ પંચમેવાનો ભોગ જરૂરથી લગાવો.
યોગ્ય જગ્યાએ રાખો દરેક વસ્તુ:
ગણપતિની સ્થાપનાની નજીક તાંબા અને ચાંદીના કળશમાં પાણી ભરીને રાખો. આ કળશને ગણપતિજીની જમણી બાજુ રાખો. આ કળશની નીચે ચોખાની ઢગલી કરો અને કળશને નાડાછડી જરૂરથી બાંધો. ગણપતિજીની જમણી તરફ ઘીનો દીવો સ્થાપિત કરો. દિવાને પણ જમીન પર નહીં પણ ચોખાની ઢગલી કરીને રાખો. પૂજાનો એક સમય નિશ્ચિત કરો. જો તમે આ દરમિયાન કોઇ મંત્ર જપનું વ્રત કરો છો તો દરરોજ એક જ સમયે કરવુ જોઇએ.
સંકલ્પ કરો:
ગણપતિજીતની સ્થાપના પછી જમણા હાથના ચોખા અને ગંગાજળ લઇને સંકલ્પ કરો. જેમાં બોલો કે, ''અમે ગણપતિજીને દિવસો માટે અમારા ઘરમાં સ્થાપિત કરી પ્રતિદિવ વિધિવિધાનથી પૂજા કરીશું.'' ગણપતિની સ્થાપના 3,5,7,9 અથવા 11 દિવસ માટે કરવામાં આવે છે. તમારી શક્તિ અનુસાર, તમે જેટલા દિવસ માટે ગણેશજીની સ્થાપના કરો છો એટલા દિવસનો ઉલ્લેખ કરવો જરૂરી જોઇએ.
- આ સાથે જ ઓમ્ ગણેશાય નમઃના જાપ સાથે સ્થાપિત કરેલી પ્રતિમાને પ્રણામ કરી ગણપતિજીને પ્રાર્થના કરો કે, ''પ્રભુ અમે (નિશ્ચિત) દિવસો માટે તમને અમારા ઘરે સ્થાપિત કરીને પૂજા કરવા માંગીએ છીએ. તમે રિદ્ઘિ-સિદ્ઘિ અને લાભ-શુભ સાથે અમારા ઘરમાં બિરાજમાન થાઓ. આપની પૂજા દરમિયાન જો અમારાથી કોઈ ભૂલ થઈ જાય તો કૃપા કરીને અમને તમારા બાળક જેવુ માનીને માફ કરો. અમારા પર સદાય તમારી આશીર્વાદ વરસાવજો.''