Ganesh Chaturthi 2020 / આ દિવસે ઉજવવામાં આવશે ગણેશ ચતુર્થી, આ રહેશે શુભ મૂહૂર્ત અને પૂજા વિધિ

• આ રહેશે ગણેશ ચતુર્થીનું શુભ મૂહૂર્ત
• આ દિવસે ઉજવાશે ગણેશ ચતુર્થી
• આ છે ગણેશ પૂજાની વિધિ અને માન્યતા

આ છે પૌરાણિક માન્યતા

પૌરાણિક માન્યતા અનુસાર વિધ્નહર્તા શ્રી ગણેશજીનો જન્મ ભાદ્રપદની શુક્લ ચતુર્થીના દિવસે થયો હતો. આ દિવસે ગણેશ ચતુર્થી કે વિનાયક ચતુર્થીની ઉજવણી કરાય છે. ગણેશ જન્મોત્સવના દિવસે ગણેશજીની વિશેષ આરાધના કરાય છે જેથી તેઓ વ્યક્તિના જીવનના દરેક કષ્ટનો નાશ કરીને તેમની મનોકામના પૂરી કરી શકે.

ધાર્મિક માન્યતા

ધાર્મિક માન્યતા છે કે ગણેશ ચતુર્થીની પૂજા હંમેશા બપોરના સમયે કરવામાં આવે છે. કેમકે ગણેશજીનો જન્મ બપોરે થયો હતો. 22 ઓગસ્ટના દિવસે 11.06 મિનિટથી બપોરે 01.42 મિનિટની વચ્ચે ગણેશજીની પૂજા કરી શકાશે.

આ રહેશે ગણેશ ચતુર્થીનું મૂહૂર્ત

ભાદ્રપદના શુક્લ પક્ષની ચતુર્થીના દિવસે એટલે કે 21 ઓગસ્ટની રાતે 11.02 મિનિટથી શરૂ થશે અને 22 ઓગસ્ટ શનિવારે સાંજે 07.57 મિનિટ સુધી રહેશે.

આ રીતે કરો ગણેશજીની સ્થાપના

ગણેશ ચતુર્થીના દિવસે ભગવાન ગણેશને પોતાના ઘરે લાવવા સવારે બ્રહ્મ મૂહૂર્તમાં ઉઠવું. સ્નાન આદિ કાર્યો કર્યા બાદ ગણેશજીની પ્રતિમાને ઘરે લાવીને વિરાજમાન કરો. ધ્યાન રાખો કે આ દિવસે ચંદ્રના દર્શન વર્જિત રહે છે. કોઈ ચોકી પર આસન પાથરો અને ગણેશજીની પ્રતિમાને સ્થાપિત કરો. એક કળશમાં સોપારી મૂકો અને નવા કપડાંમાં બાંધીને રાખો. આખો પરિવાર સાથ બેસીને ગણેશજીની પૂજા કરો. દુર્વા, સિંદુર વગેરે અર્પિત કરો. ગણેશજીને લાડુ કે મમોદકનો ભોગ ધરાવો. આ પછી તેને પ્રસાદના રૂપમાં વહેંચી દો.

વિસર્જન સમયે કરો આ કામ

જ્યારે તમે ગણેશજીનું વિસર્જન કરો તે દિવસે સવારે અને સાંજે બંને સમયે તેમની પૂજા કરો. ગણેશજીની કથા વાંચો. પૂજાના અંતમાં ગણેશજીની આરતી ગાઓ. ગણેશ ચાલીસાનો પાઠ પણ અવશ્ય કરો. આમ કરવાથી ગણેશજીની કૃપા તમારા અને તમારા પરિવાર પર બની રહેશે.