એકતા / પાકિસ્તાનના ઝીણા માર્ગ પર 76 વર્ષોથી ઉજવાય છે ગણેશોત્સવ

• પાકિસ્તાનમાં ઉજવાય છે ગણેશ ચતુર્થી
• 76 વર્ષથી ઉજવાય છે ગણેશોત્સવ
• કરાચીમાં ઉજવાય છે ધામધૂમથી 

કરાચી સોશિયલ એક્ટિવિસ્ટ વિશાલ રાજપૂત કહે છે કે, આ ઉત્સવમાં સામેલ થવાથી તે વાતનો ભરોસો થઇ જાય છે કે બાપા અમને સુરક્ષિત રાખશે. સંપૂર્ણ પાકિસ્તાનમાં કરાચીમાં સૌથી વધારે ગણેશભક્તો એકઠા થાય છે. પેશાવર અને પંજાબથી પણ વધુ લોકો કરાચીમાં આવે છે. આ વખતે કોરોનાને કારણે વધુ સાવચેતી રાખવામાં આવી હતી. સેનીટાઇઝરની સાથે સાથે સોશ્યલ ડિસ્ટન્સિંગનું પણ પાલન કરવામાં આવ્યું હતું. 

કરાચીમાં મંદિરો તોડવાની ઘટના અંગે વિશાલે કહ્યું કે, ના તો કોઇ મંદિર તોડાયુ ના કોઇ ધાર્મિક સ્વતંત્રતા પર રોક લગાવવામા આવી છે. દરેક જગ્યાએ ધર્મને સરખુ પ્રાધાન્ય આપવામાં આવે છે. ગણેશજીની ભક્તિ જે રીતે ભારતમાં થાય છે તે જ રીતે પાકિસ્તાનમાં જ થાય છે. 

રાજેશ નાઇક બનાવે છે મૂર્તિ
કરાચીમાં ગણેશોત્સવની પરંપરા શરૂ કરનાર કૃષ્ણા નાઇકના પરિવારજનો જ મૂર્તિઓ તૈયાર કરે છે અને દરેક ભક્તને ગણપતિની પ્રતિમા પૂરી પાડે છે. દુબઇથી પણ મોટા પાયે મૂર્તિઓ મંગાવવામાં આવે છે.