પર્દાફાશ / જીરામાં વરિયાળીનું ભૂસું ભેળવી લોકોને નકલી જીરું પધરાવી દેતી ફેક્ટરી ઊંઝામાંથી ઝડપાઈ, આરોગ્ય વિભાગની રેડમાં ખૂલી પોલ

• ઉંઝામાં આરોગ્ય વિભાગના દરોડા
• નકલી જીરૂ બનાવતી ફેક્ટરી ઝડપાઇ
• 13 હજાર 860 કિલો નકલી જીરૂ જપ્ત

મહેસાણાનું ઊંઝા અને જીરું એટલે એકબીજાના પ્રયાય. એશિયાનું સૌથી મોટું જીરા માર્કેટ એટલે ઉઝા. જ્યાં જીરામાં ખેડૂતોના વિશ્વાસ રાખી સોદા કરે છે પણ ઊંઝાની આ ઓળખને નકલી જીરૂ બનાવતી ફેક્ટરીએ ઝાંખી પાડી છે. ઊંઝાના જીરાની વિશ્વભરમાં માંગ હોય છે જેનો ફાયદો ઉઠાવી  પ્રતિક પટેલ નામના નામનો શખ્સ કેફટરીમાં નકલી જીરું બનાવી બજારમાં ખાણી પીણી માટે પધરાવી દઈ અત્યાર સુધી લોકોના આરોગ્ય સાથે ચેડાં કરતો હતો.

12 લાખનો ભેળસેળનો સામાન જપ્ત
ગાંધીનગર ફૂડ વિભાગ અને ઉંઝા પોલીસ દ્વારા કરાયેલી સંયુક્ત રેડમાં ઉંઝા નજીકથી નકલી જીરૂ બનાવતી આર્મી એગ્રો નામની ફેક્ટરી ઝડપાઇ છે. શહેરના ગંગાપુરા રોડ પર આ ભેળસેળ કરતી ફેક્ટરી ધમધમી રહી હતી.પ્રતિક પટેલ નામના શખ્સ આ ફેક્ટરીને ચલાવતો હતો.આ દરોડા દરમિયાન 13 હજાર 860 કિલો લુઝ જીરૂ,14 હજાર 400 કિલો વરિયાળીનું ભૂસુ, 2 હજાર કિલો ક્રીમ પાઉડર અને 150 લિટર ગોળની રસી કબ્જે લેવાઇ છે. વરિયાળીનું ભૂસુ, ક્રીમ, ગોળની રસીથી નકલી જીરૂ તૈયાર થતું હતું. આ પકડાયેલા માલસામાનની કિમત 12 લાખથી વધુ થાય છે. આ દરમિયાન પોલીસે 

જીરૂમાં ભેળસેળ કેમ?

• લોકોની પહેલી પસંદ છે ઊંઝાનું જીરૂ 
• ઊંઝાના જીરાની લોકોમાં ખુબ માગ છે
• બનાવટી જીરૂથી જીરૂના ઉંચા ભાવ મેળવવાનો શોર્ટકટ
• જીરૂ કરતા વરિયાળી સસ્તી હોય છે 
• વરિયાળીની સાઇઝ અને જીરૂની સાઇઝ એક સરખી હોવાથી ભેળસેળમાં આસાની
• વરિયાળી પર પ્રોસેસ કરીને જીરૂ જેવું બનાવી લેવાય છે
• ઊંઝાની જાણીતી બ્રાન્ડના નામે પણ વેચાય છે બનાવટી જીરૂ
• અસલી જીરૂ સાથે પણ નકલી ભેળસેળ કરી દેતા હોય છે 
• લોકોનો જીરૂનો ઉપયોગ થોડો હોવાથી ઝડપથી ભેળસેળની જાણ નથી થતી

કેવી રીતે નકલી જીરાની ઓળખ થઈ
આ દરોડા દરમિયાન ટીમના ધ્યાને આવ્યું હતું કે ફેક્ટરીમાં વરિયાળીના ભૂસા સાથે ક્રીમ કલરનો પાવડર અને ગોળની રસીને મિક્સ કરવામાં આવે છે જે બાદ તડકામાં સુકવી જીરુંના આકાર અને કલર જેવું બનાવટી જીરું બનવવામાં આવે છે અને ઉંઝાના પટેલ પ્રતિક કુમાર દિલીપભાઈ સંચાલિત આર્મી એગ્રો નામની ફેક્ટરીમાં આ બનાવટી જીરું બનાવતાં ટીમના હાથે રંગેહાથે ઝડપાઈ ગયા હતા. જે બાદ અત્યાર સુધી કેટલું જીરું બનાવ્યુ અને કોણે કોણે વેચ્યું તેની તપાસ થઈ રહી છે.