ગાંધીનગર મહાનગરપાલિકામાં વર્તમાન હોદ્દેદારોની મુદ્દત પુરી થતા સોમવારે સામાન્ય સભા યોજાશે. મહાનગરપાલિકામાં નવા હોદ્દાદારોની નિમણૂંક કરવા માટે ચૂંટણી યોજાશે. આ ચૂંટણીમાં ક્રોસ વોટિંગ થાય તેવી શક્યતા છે. મહત્વનુ છે કે ગાંધીનગર મનપામાં કુલ 32 બેઠકો છે. જેમાં 17 ભાજપના અને 15 કોંગ્રેસના સભ્યો છે.
આ ચૂંટણીમાં ક્રોસ વોટિંગ ન થાય તે પહેલા ભાજપ અને કોંગ્રેસના સભ્યોને અજ્ઞાત સ્થળે લઈ જવામાં આવ્યા છે. મનપામાં ભાજપના ચિહ્ન પર ચૂંટાયેલ મહિલા સભ્ય મેયર બની શકે છે.
મનપામાં ડેપ્યુટી મેયર અને સ્ટેન્ડિંગ કમિટીના ચેરમેન બનવા ખેંચતાણ શરૂ થઈ છે. હાલમાં વર્તમાન મેયર પ્રવિણ પટેલ સામે પક્ષાંતર ધારા હેઠસ કેસ ચાલી રહ્યો છે. જેના કારણે પ્રવિણ પટેલનો મત બંધ કવરમાં રાખવામાં આવશે.
આપને જણાવી દઇએ કે ગાંધીનગર મનપાની 32 બેઠકોમાંથી 17 બેઠક ભાજપ પાસે અને 15 બેઠક કોંગ્રેસ પાસે છે. જેની એક સામાન્ય સભા આગામી 5 નવેમ્બરના રોજ મળવાની છે. મહાનગરપાલિકાના વર્તમાન હોદ્દેદારોની અઢી વર્ષની ટર્મ આ સપ્તાહે પૂર્ણ થતાં આ સામાન્ય સભાનું આયોજન કરવામાં આવેલ છે.