આજે ધોરણ-10 ની પરીક્ષાનું અંતિમ પેપર, મે મહિનામાં જાહેર થશે પરિણામ

અમદાવાદ: રાજ્યમાં ધોરણ 10 અને 12ની બોર્ડની પરીક્ષા ચાલી રહી છે. ત્યારે આજે બોર્ડની ધોરણ 10 ની પરીક્ષાનુ અંતિમ પેપર છે અને આ અંતિમ પેપર સંસ્કૃતનું છે. મહત્વનું છે કે,ધોરણ 10ના તમામ પેપરો સરેરાશ સરળ રહ્યા છે.



તેમજ ગયા વર્ષની સરખામણીએ આ વર્ષે ચોરીના ઓછા બનાવો બન્યા છે. જો કે અમદાવાદમાં ધોરણ 10ની બોર્ડની પરીક્ષામાં એક ડમી વિદ્યાર્થી ઝડપાયો હતો. જ્યારે રાજ્યમાં કુલ 7 ડમી કેસ નોંધાયા છે. મળતી માહિતી મુજબ મે મહિનામાં ધોરણ 10નુ પરિણામ જાહેર થશે.



રાજ્યના અનેક વિદ્યાર્થીઓએ આપી પરીક્ષા
ઉલ્લેખનીય છે કે, ધોરણ-10માં આ વખતે 11 લાખ 59 હજાર 762 વિદ્યાર્થીઓ પરીક્ષા આપી છે. જેમાં 7 લાખ 5 હજાર 465 વિદ્યાર્થીઓ અને 4 લાખ 54 હજાર 297 વિદ્યાર્થીનીઓ પરીક્ષા આપી હતી. આ વખતે ધોરણ 10માં 6 હજાર 222 દિવ્યાંગ વિદ્યાર્થીઓ પણ પરીક્ષા આપી હતી.




જ્યારે ધોરણ 12માં આ વખતે 6 લાખ 80 હજાર 302 વિદ્યાર્થીઓ પરીક્ષા આપેલ. જેમાં ધોરણ 12 સાયન્સમાં 1 લાખ 47 હજાર 302 વિદ્યાર્થીઓ અને સામાન્ય પ્રવાહમાં 5 લાખ 33 હજાર 626 વિદ્યાર્થીઓનો સમાવેશ થાય.

મુખ્યમંત્રી કાર્યાલય પરથી કરાયુ મોનિટરીંગ
આપને જણાવી દઇએ કે, આ સમગ્ર પરીક્ષાનું મોનિટરીંગ રાજ્યના મુખ્યપ્રધાનના કાર્યાલય પરથી કરવામાં આવી રહ્યું છે.