હાર્દિક અલ્પેશ અને જિગ્નેશ ત્રણેય યુવા નેતાઓએ કરેલી જનતા રેડ બદલ તેમના પર થયેલી ફરિયાદના મામલે ત્રણેય યુવા નેતાઓ ગાંધીનગર SP કચેરીએ સરેન્ડર કરવા પહોચ્યા હતા. ત્રણેય નેતાઓ મોટી સંખ્યામાં સમર્થકો સાથે ગાંધીનગર SP કચેરી ખાતે પહોંચ્યા છે. આ ઘટનાને પગલે SP કચેરી પર પોલીસનો ચૂસ્ત બંદોબસ્ત ગોઠવાયો હતો.
સરેન્ડર કરવા પહોંચેલા ત્રણેય નેતાઓએ મીડિયા સમક્ષ પોતાનો પક્ષ રજુ કર્યો હતો જેમાં હાર્દિકે કહ્યુ હતુ કે 'અમારી પર ખોટો કેસ કરાયો છે'. આ સાથે જીગ્નેશ મેવાણીએ પણ કહ્યુ હતુ કે 'દારૂના કરોડો રૂપિયા કોના ખિસ્સામાં જાય છે અમારી પાસે તમામ પુરાવા છે લઠ્ઠાકાંડમાં કેટલીય બહેનો વિધવા થઇ છે.' સરેન્ડર કરવા પહોંચેલા અલ્પેશ ઠાકોરે પણ નિવેદન આપતા જણાવ્યુ હતુ કે દારૂના વેચાણ સામે લડતા અમને કોઈ નહી રોકી શકે.
ઉલ્લેખનીય છે કે હાર્દિક અલ્પેશ અને જિગ્નેશ સામે જનતા રેડ કરવા બદલ ફરિયાદ દાખલ થઈ હતી ગાંધીનગરમાં મહિલાના ઘરમાં કરેલ જનતા રેડ મુદ્દે હાર્દિક અલ્પેશ અને જિગ્નેશ વિરુદ્વ ફરિયાદ દાખલ થઈ હતી. ગાંધીનગર સેકટર 21 પોલીસ સ્ટેશનમાં ફરિયાદ નોંધાઈ હતી. જનતા રેડ મુદ્દે મહિલાએ ઘરમાં ગેરકાયદેસર પ્રવેશ અને ઉદ્વતાઈપૂર્વક વર્તન અને ખોટા પુરાવા ઉભા કરવા મુદ્દે ફરિયાદ દાખલ કરાવી હતી.