ગુજરાતમાં કોરોનાના કહેર વચ્ચે રાજ્યમાં ચોમાસાનું આગમન જોવા મળી રહ્યું છે. ત્યારે રાજ્યના અનેક સ્થળોએ મધ્યથી ભારે વરસાદ પડેલો જોવા મળી રહ્યો છે. ત્યારે અમદાવાદની વાત કરીએ તો પહેલા જ વરસાદ બાદ શહેરના અનેક વિસ્તારોમાં ભુવા પડેલા જોવા મળ્યાં. જો કે હવે કોર્પોરેશનની નબળી કામગીરી ગાંધીનગર સચિવાલયના મુખ્યમાર્ગ પર જોવા મળી છે. જેમાં સ્વર્ણિમ સંકુલ-1ની સામે જ ભુવો પડેલો જોવા મળ્યો છે.
ગાંધીનગર સચિવાલયમાં પ્રથમ વરસાદે ભુવો પડ્યો
મુખ્ય માર્ગ પર જમીન ઘસવાથી પડ્યો ભુવો
આ રોડ પરથી મુખ્યમંત્રી સહિતના મંત્રીઓ કરે છે અવર-જવર
રાજ્યમાં પડી રહેલા વરસાદના પગલે અનેક શહેરોમાં તંત્રની કામગીરીને લઇને સવાલો ઉઠી રહ્યાં છે. સામાન્ય વરસાદ બાદ પણ રોડની ખરાબ સ્થિતિને લઇને તંત્રની નબળી કામગીરી સામે આવી રહી છે. ત્યારે પહેલા વરસાદ બાદ ઘણા શહેરોમાં ભુવા પડવાની ઘટના સામે આવી છે. ત્યારે રાજ્યના પાટનગર ગાંધીનગર ખાતે સ્વર્ણિમ સંકુલ-1ના મુખ્ય રોડ સામે જ ભુવો પડ્યો છે.
આમ રાજ્યના મહાનગરો બાદ હવે સચિવાલયમાં પણ ભુવા પડવાનો સિલસિલો શરૂ થઇ ગયો છે. અહીં ગાંધીનગરના સચિવાલયના મુખ્ય માર્ગ પર પહેલા વરસાદે જ ભૂવો પડ્યો છે.
ઉલ્લેખનીય છે કે સ્વર્ણિમ સંકુલના આ રોડ પર મુખ્યમંત્રી વિજય રુપાણી સહિતના રાજ્યના મંત્રીઓ પસાર થાય છે. જો આ રોડનો પણ આવો હાલ હોય તો પછી શહેરના અન્ય રસ્તાનું શું હાલ હશે એ સમજી શકાય. પ્રથમ વરસાદે જ ભુવા પડી જતાં કોર્પોરેશનની નબળી કામગીરીની પોલ ખુલ્લી ગઇ છે.