આજે ગાંધીનગર ખાતે પ્રદેશ ભાજપની કોર કમિટિની બેઠક યોજાઇ હતી. ભાજપ પ્રદેશ પ્રમુખ જીતુ વાઘાણીની અધ્યક્ષતામાં યોજાયેલી બેઠકમાં રાજ્યમાં યોજાનારી આગામી સ્વરાજ્યની ચૂંટણી અને પેટાચૂંટણીને ચર્ચા કરવામાં આવી. આ સાથે સરકારના 8 મંત્રીઓને વિવિધ જિલ્લાઓની જવાબદારી સોંપવામાં આવી છે.
ગાંધીનગર કમલમમાં ભાજપના નેતાઓની યોજાઈ બેઠક
સ્થાનિક સ્વરાજ્યની ચૂંટણી અને પેટાચૂંટણીને લઈને ચર્ચા
વિધાનસભાની 8 પેટાચૂંટણીને લઈને ઘડાઈ રણનીતિ
રાજ્યના પાટનગર ગાંધીનગર ખાતે કમલમમાં કોર કમિટિની બેઠક યોજાઈ હતી. આ બેઠકમાં સ્થાનિક સ્વરાજ્યની ચૂંટણી અને પેટાચૂંટણીને લઈને ચર્ચા થઈ હતી. જેમાં આગામી વિધાનસભાની 8 પેટાચૂંટણીને લઈને બેઠકમાં રણનીતિ ઘડાઈ હતી.
રાજ્ય સરકારના 8 મંત્રીઓને વિવિધ જિલ્લાઓની જવાબદારી સોંપવામાં આવી છે. અબડાસા માટે ભુપેન્દ્રસિંહ ચુડાસમા અને કે.સી.પટેલની નિમણૂંક કરાઈ છે. લીંમડી બેઠક માટે આર.સી.ફળદુ અને નીતિન ભારદ્વાજની નિમણૂંક કરવામાં આવી છે.
જ્યારે ડાંગ બેઠક માટે ગણપત વસવા અને પૂર્ણેશ મોદીની નિમણૂંક કરાઈ છે. મોરબી માટે સૌરભ પટેલ અને આઈ.કે.જાડેજાની નિમણૂંક કરવામાં આવી છે. ગઢડા માટે કુંવરજી બાવળિયા અને ગોરધન ઝડફિયાની નિમણૂંક કરવામાં આવી છે.
સોરાષ્ટ્રના ધારી માટે ધમેન્દ્રસિંહ જાડેજા અને ધનસુખ ભંડેરીની નિમણૂંક કરવામાં આવી છે. તો કપરાડા બેઠક માટે ઈશ્વરસિંહ પટેલ અને ભરતસિંહ પરમારની નિમણૂંક કરાઈ છે.