ગુજરાતમાં કોરોનાની મહામારી વચ્ચે છેલ્લા થોડા સમયથી રાજ્યના રાજકારણમાં પણ ગરમાવો જોવા મળ્યો. હાલમાં યોજાયેલ રાજ્યસભાની ચૂંટણી અગાઉ રાજકીય પક્ષો આમને-સામને જોવા મળ્યાં. જ્યારે કોંગ્રેસના કેટલાંક ધારાસભ્યોએ ચૂંટણી અગાઉ રાજીનામાં આપ્યાં, ત્યારબાદ હાલમાં રાજીનામાં આપેલા અંદાજે 5 ધારાસભ્યો ભાજપમાં જોડાયાં. ત્યારે આજરોજ ગાંધીનગરના કમલમ ખાતે પ્રદેશ પ્રમુખ જીતુ વાઘાણીના અધ્યક્ષસ્થાને મળનારી ભાજપ કોર કમિટિની બેઠક મહત્વપૂર્ણ રહેશે. આ બેઠકમાં મુખ્યમંત્રી વિજય રૂપાણી અને ડે. સીએમ. નીતિન પટેલ હાજર રહેશે.
આજે પ્રદેશ ભાજપની કોર કમિટિની બેઠક
પ્રદેશ પ્રમુખ જીતુ વાઘાણીની અધ્યક્ષતામાં ચર્ચા
CM રૂપાણી અને DyCM નીતિન પટેલ રહેશે હાજર
આજે ગાંધીનગર ખાતે પ્રદેશ ભાજપની કોર કમિટિની બેઠક યોજાશે. આ બેઠક સવારે 11.30 કલાકે કમલમ્ ખાતે પ્રદેશ પ્રમુખ જીતુ વાઘાણીની અધ્યક્ષતામાં યોજાશે.
આ કોર કમિટિની બેઠકમાં મુખ્યમંત્રી વિજય રૂપાણી અને ઉપ મુખ્યમંત્રી નીતિન પટેલ હાજર રહેશે. આ બેઠકમાં પ્રદેશ ભાજપના મહામંત્રીઓ અને આગેવાનો પણ હાજર રહેશે. આ બેઠકમાં પ્રદેશ સંગઠનમાં ફેરફાર મુદ્દે ચર્ચા થઇ શકે છે.
આ કોર કમિટિની બેઠકમાં આગામી પેટાચૂંટણીઓની તૈયારીઓને લઇને પણ ચર્ચા કરાશે. સૂત્રોને મળતી જાણકારી મુજબ આ બેઠકમાં આગામી પેટાચૂંટણીના ઉમેદવારોને લઇને મંથન કરવામાં આવી શકે છે.
હાલમાં જ કોંગ્રેસમાંથી રાજીનામું આપનારા ધારાસભ્યો ભાજપમાં જોડાયાં છે. ત્યારે હવે આગામી પેટાચૂંટણીમાં આ ધારાસભ્યોની ઉમેદવારી નોંધાવી કે સ્થાનિક ભાજપના નેતાઓમાંથી કોઇને ટીકિટ આપવી તે અંગે પણ ચર્ચા કરાય તેવી શક્યતા છે.