અડાલજમાં સિરિયલ કીલરની દહેશત વધી છે, પરંતુ પોલીસ હજુ સુધી સિરિયલ કિલર સુધી પહોંચી નથી. ત્યારે ગાંધીનગરમાં સિરિયલ કિલરની દહેશતને લઈને હવે તપાસ CID ક્રાઇમને સોપવામાં આવી છે. 8 મહિના બાદ પણ પોલીસને કોઈ સબુત ન મળતા આ નિર્ણય લેવામાં આવ્યો છે.
DGPએ તપાસ સીધા સુપરવિઝન હેઠળ CID ક્રાઇમને સોપીને વધુ તપાસ હાથ ધરવા માટે આદેશ કર્યો છે. CID ક્રાઇમના DGP આશિષ ભાટિયાના સુપરવિઝનમાં હવે તપાસ હાથ ધરાશે. 3 હત્યાનો ભેદ ઉકેલવા 7 અધિકારીઓની SIT ટીમ બનાવાઇને તપાસ શરૂ કરવામાં આવી છે અને સિરિયલ કિલરને પકડનારને રૂપિયા 2 લાખનું ઈનામ પણ આપવાની જાહેરાત કરાઈ છે.
ઓક્ટોમબર 2018થી ગાંધીનગર જિલ્લામાં માથા ગોળી મારી અને હત્યાના બનાવનો સિલસિલો શરૂ થયો હતો. ડિસેમ્બર માસમાં સુધી ત્રણ હત્યા બની ત્યાં સુધી ગાંધીનગર પોલીસ સૂતી રહી હતી. ત્રીજી હત્યા બાદ જાગેલી ગાંધીનગર પોલીસના વડા જાગ્યા હતા અને 8 લોકોની SITની ટીમ બનાવી તપાસ શરૂ કરી હતી. પરંતુ આ SIT 150 પોલીસકર્મી અને જિલ્લા પોલીસવડા મયુર ચાવડાના માર્ગદર્શન હેઠળ 8 મહિના બાદ પણ સિરિયલ કિલરને પકડી શકી નથી. જેથી DGPને તપાસ બદલવી પડી છે.
સિરિયલ કિલરને શોધવામાં અમદાવાદ ક્રાઈમ બ્રાન્ચ અને ગુજરાત એટીએસની ટીમ પણ કામે લાગી હતી. સૂત્રોના જણાવ્યા પ્રમાણે સિરિયલ કિલર ન પકડાતા આ મુદ્દાની DGP એ ગંભીરતાથી નોંધ લીધી છે અને CIDને પોતાના સુપરવિઝન હેઠળ તપાસ સોંપી છે.