ગાંધીનગર DPS સ્કૂલની દાદાગીરી ફી ન ભરનાર વિદ્યાર્થીઓને ના આપ્યો પ્રવેશ

ગાંધીનગરમાં આવેલી DPS સ્કૂલની દાદાગીરી સામે આવી છે. નવું સત્ર શરૂ થતા સ્કૂલે વિદ્યાર્થીઓને પ્રવેશવા દીધા નથી. ફી ન ભરનાર વિદ્યાર્થીઓને સ્કૂલે બસમાં બેસવા દીધા ન હતા. વિદ્યાર્થીઓને બસમાં ન બેસવા દેતા વાલીઓમાં રોષ જોવા મળ્યો છે અને વાલીઓએ સ્કૂલમાં હોબાળો કર્યો છે.  

આ ઉપરાંત સ્કૂલ દ્વારા વાલીઓને ચેક નહીં પરંતુ ECSથી ફી ભરવા માટે દબાણ કરવામાં આવી રહ્યો છે. આ મામલે વાલીઓએ DEO ખાતે ફરિયાદ કરી છે. ફરિયાદ કરવા છતા કોઈ નિર્ણય ન આવતા વાલીઓમાં રોષ જોવા મળ્યો છે.

ઉલ્લેખનીય છે કે ત્યારે સવાલ એ થાય ક્યાં સુધી હદ પાર કરતા રહેશે સ્કૂલના સંચાલકો..? કેમ માસુમ વિદ્યાર્થીઓ સાથે આ પ્રકારનું વર્તન કરવામાં આવે છે સંચાલકો ફી અંગે હજુ સુપ્રિમનો ચુકાદો નથી આવ્યો તો કેમ આ રીતે તમામને કરી રહ્યા છે પરેશાન..? આવા અનેક સવાલો વાલીઓના મનમા ઉઠ્યા હતા. જો કે શાળાના આ વર્તનને કારણે વાલીઓમાં રોષ જોવા મળ્યો હતો અને સંસ્થા સામે કાયદેસરની કાર્યવાહી કરવામાં આવે તેવી માગ ઉઠી હતી.