સચિવાલયમાં સલામતી શાખામાં ફરજ નિભાવતા પોલીસ ઇન્સ્પેક્ટર પ્રિતેશ જે. પટેલે પોતાની સર્વિસ રિવોલ્વરથી ગોળી મારી મોતને વહાલું કરી લેતા ખળભળાટ મચી ગયો હતો.
સચિવાયલમાં પોતાનીજ કારમાં લોહિલુહાણ હાલતમાં મળી આવ્યા PI
2008માં પોલીસ સર્વિસમાં જોડાયા
આશાસ્પદ પોલીસ જવાને કેમ મારી ખુદને ગોળી? કારણ અકબંધ
ગઈકાલે ગાંધીનગરમાં સચિવાલય સંકુલમાં ગૃહવિભાગની સામે આવેલા પાર્કિંગમાં પોતાની જ કારમાં તેમણે જીવન ટૂંકાવ્યું હતુ. તેઓ કારમાંથી લોહી લુહાણ હાલતમાં મળી આવ્યા હતા. પ્રિતેશ પટેલે ક્યા કારણોસર આત્મહત્યા કરી તે હજી જાણી શકાયું નથી. પરંતુ તેમની આત્મહત્યાથી પોલીસ બેડામા ગણગણાટ શરૂ થઈ ગયો હતો.
PI પ્રિતેશ 2008માં પોલીસ સર્વિસમાં જોડાયા હતાં. અમદાવાદ અને ગાંધીનગર જિલ્લામાં ફરજ બજાવી હતી. તેઓ મૂળ બાયડના વતની છે. હાલ સરગાસણમાં એક ફ્લેટમાં રહેતા હતા. 6-7 મહિનાથી ગાંધીનગર સચિવાલય સલામતી શાખામાં ફરજ બજાવતા હતા. 6 મહિના પહેલા બાયડ ખાતેનું મકાન વેચી ગાંધીનગર શિફ્ટ થયા હતા. પી.આઇ તેમના પિતાના ઘરથી અલગ રહેતા હતા. PIના પિતા બાયડ ખાતે તમાકુનો વેપાર કરે છે. તેને એક દીકરો અને એક દીકરી તેમજ પત્ની છે જે તેમના આપઘાતની ખબર સાંભળીને આવાક છે.