ગાંધીનગર / અનામત આંદોલન મામલે ગૃહમંત્રીએ કહ્યું કે અનામત આંદોલન સમિતિના પ્રશ્નોનું નિરાકરણ કરાયું

• ગૃહરાજ્યમંત્રી પ્રદીપસિંહ જાડેજાની પ્રતિક્રિયા
• સરકારે ઉદાર મને મહિલાઓ માટે નિર્ણય લીધો છે
• મહિલા બાદ હવે કોઈ અન્ય બેઠકમાં વધારો નહી કરાય

મહિલા અનામતની સંખ્યામાં વધારો કરાયો છે. પ્રદિપસિંહે જણાવ્યું હતું કે અનામતને લઇને અન્ય કોઇ બેઠકોમાં વધારો નહીં કરાય. રાજ્યના ગૃહમંત્રી પ્રદિપસિંહે પુરૂષોના અનામતના વધારાની માગ મામલે નિવેદન આપ્યું છે. 
 

આ સાથે પ્રદિપસિંહે કહ્યું કે રાજ્ય સરકારની બંધારણ અને અનામતની રક્ષા કરવી પ્રતિબદ્ધતા છે. કોંગ્રેસ પોતાના રાજકીય હિતોને સાચવવા માટે હોબાળો કરે છે. વય માનસ્ય ફેલવા માટે કોંગ્રેસ પ્રયાસ કરી રહ્યું છે.

 

બેઠક બાદ ગૃહમંત્રી પ્રદિપસિંહે કોંગ્રેસ પર નિશાન સાધતાં કહ્યું કે કોંગ્રેસ રાજ્યમાં અશાંતિ રહે તેવું ઇચ્છે છે. આ આંદોલનના માધ્યમથી કોંગ્રેસ અસ્થિરતા ફેલાવવા માગતી હતી. 
 

રાજ્યમાં હાલ LRD ભરતી મામલે વિવાદ ચાલી રહ્યો છે, ત્યારે મુખ્યમંત્રી વિજય રૂપાણીએ આ અંગે પ્રતિક્રિયા આપી હતી. જેમાં CM રૂપાણીએ કહ્યું હતું કે જૂની પદ્ધતિ પ્રમાણે ભરતી કરવામાં આવશે.કોંગ્રેસ રાજકીય રોટલા શેકવાનું બંધ કરે. ઉલ્લેખનીય છે કે LRD અનામત આંદોલનને લઈને વિરોધ યથાવત જોવા મળી રહ્યો છે.આંદોલનનો આજે 70મો દિવસ છે ત્યારે અનામતવર્ગના ઉપવાસનો આજે 27મા દિવસ પણ વિરોધ યથાવત રાખવામાં આવ્યો છે.