રાજભવન ખાતે મળેલી સોમનાથ ટ્રસ્ટની બેઠક બાદ પ્રધાનમંત્રી નરેન્દ્ર મોદી માતા હીરાબાને મળવા પહોંચ્યા હતા.
માતા હીરાબાને મળવા પહોંચ્યા PM મોદી
સુરક્ષા જવાનોના કાફલા વગર રાયસણ ગયા હતા
હીરાબા સાથે પીએમ મોદી ભોજન પણ લીધું
PM નરેન્દ્ર મોદી બે દિવસના ગુજરાતના પ્રવાસે છે.ત્યારે તેઓ તેમના પ્રથમ દિવસના કાર્યક્રમ બાદ રાજભવન ગાંધીનગર પહોંચ્યા હતા.જ્યાંથી તેઓ વૃંદાવન બંગલોઝ ખાતે માતા હીરાબાને મળવા ગયા હતા. સુરક્ષા જવાનોના કાફલા વગર પીએમ મોદી હીરાબાને મળ્યા હતા. મળતી માહિતી મુજબ હીરાબા સાથે પીએમ મોદી ભોજન પણ લીધું હતું. 8.45થી 10 કલાક સુધી એટલે કે 1 કલાક 15 મિનિટ સુધી હીરાબા સાથે સમય વિતાવ્યો હતો. આ પૂર્વે પણ પ્રધાનમંત્રી નરેન્દ્ર મોદી પોતાના ગુજરાત પ્રવાસ દરમિયાન ઘણી વખત પોતાના વ્યસ્ત કાર્યક્રમોમાંથી સમય કાઢી માતા હીરાબાના આશીર્વાદ લેવા ગયા હતા. મહત્વનું છે કે રાયસણમાં ભાઇ પંકજ મોદીનું નિવાસસ્થાન આવેલુું છે જ્યાં તેમના સાથે માતા હીરાબા રહે છે.
गुजरात: प्रधानमंत्री नरेंद्र मोदी ने गांधीनगर में अपनी मां हीराबेन मोदी से मुलाक़ात की। pic.twitter.com/IizwuxKASx
લગભગ છેલ્લા 1 વર્ષ બાદ પીએમ મોદી માતા હીરાબાને મળવા ગયા હતા. આ પહેલા ગાંધી આશ્રમ ખાતે આઝાદી કા અમૃત મહોત્સવમાં ભાગ લેવા અમદાવાદ આવ્યા હતા પણ વ્યસ્તતાને કારણે હીરાબાને મળી શક્યા ન હતા.
પ્રધાનમંત્રી મોદીનું ગુજરાત પંચાયત મહાસંમેલનમાં સંબોધન
આઝાદીના 75 વર્ષનો જ્યારે અમૃત મહોત્સવ દેશમાં ઉજવાઈ રહ્યો છે ત્યારે અલગ અલગ 5 જેટલા કામો ગામડાના લોકો કરે તેવુ આહ્વાન કર્યું હતું. જેમાં 75 વખત ગામજનો ભેગા મળી પ્રભાત ફેરી કાઢે, 75 નાના નાના કાર્યક્રમો ગામલોકો ભેગા મળી આયોજન કરે જેમાં ગામની બહાર રહેતા લોકોને પણ આમંત્રણ આપી બોલાવવામાં આવે અને ગામના વિકાસના આયોજન કરવામાં આવે. તે બાદ પીએમ મોદીએ એક ગામ 75 વૃક્ષ સળંગ એક સામટા વાવી પર્યાવરણ સાથે ગામના વડીલો માટે બેસવાની સારી વ્યવસ્થા ઊભી કરવામાં આવે તેવુ પણ સૂચન કર્યું છે. છેલ્લે દરેક ગામના 75 ખેડૂતો પોતાની જમીનમાં થોડું ઘણું અનાજ પ્રાકૃતિક ઉગાડી નેચરલ ખેતી તરફ પણ જોડાય તેવુ આહ્વાન કર્યું હતું.
કોરોનાને ભારતના ગામડાઓમાં પહોચતા ફીણ આવી ગયું: PM મોદી
PM મોદીએ ગુજરાતીમાં કાર્યક્રમનું સંબોધન કર્યુ હતું અને કેમ છો કહી જનતાનું અભિવાદન પણ ઝીલ્યું હતું. PM મોદીએ સંબોધનમાં મહત્વની વાત કરતાં કહ્યું હતું કે ગ્રામ સ્વરાજને નિરંતર ગતિ આપવાનું કામ જનપ્રતિનિધીઓનું છે ગુજરાતના ગ્રામીણ જીવનનું કામ દેશ માટે પ્રેરક બનશે. આટલો મોટા કોરોનાને ભારતના ગામડાઓમાં પહોચતા ફીણ આવી ગયું. તેથી ગામડાના સૌ આગેવાનોને લાખ લાખ અભિનંદન
કમલમમાં ભવ્ય સ્વાગત
વતનમાં બે વર્ષ બાદ પીએમ મોદી પરત ફરતા કાર્યકરો અને જનતાનો હરખ સમાતો નથી. એરપોર્ટથી કમલમ સુધીના રોડ શોમાં તો પીએમ મોદી જનતાનો પ્રેમ જોઇને ગદ ગદ થઇ ગયા.તેઓના ચહેરા પર જીતની ખુશી અને લોકો તરફથી મળતો પ્રેમ સ્પષ્ટ જોવા મળી રહ્યો હતો. ત્યારે જેવા પીએમ મોદી ગાંધીનગર કમલમ કાર્યાલયમાં એન્ટર થયા ત્યારે રાજા મહારાજાને છાજે તેવુ ભવ્યાતિભવ્ય સ્વાગત કરવામાં આવ્યું.
નાસિક ઢોલથી થઇ શરુઆત
પીએમ મોદી કમલમની નજીક પહોંચવા આવ્યા ત્યારે બંને બાજુ નાસિક ઢોલ વાગી રહ્યા હતા. ઢોલ નગારાના નાદની વચ્ચે પીએમ મોદીની ભવ્ય એન્ટ્રી થઇ. આ દરમિયાન પીએમ મોદી બંને હાથે વિક્ટરી સાઇન દર્શાવતા જોવા મળ્યા હતા.ગુજરાત વિધાનસભાની ચૂંટણી આવતી હોવાથી જન્મ ભૂમિમાં બે વર્ષની બાદનું આ આગમન જોરોશોરોથી કરવામાં આવ્યુ હતું. ગુજરાત વિધાનસભાની ચૂંટણીનું તો હજી રણશિંગુ ફુંકાયુ છે પરંતુ ચાર રાજ્યોમાં જીતની ખુશી પીએમ મોદીના ચહેરા પર સ્પષ્ટ જોવા મળી.
દિગ્ગજોએ કર્યુ પીએમ મોદીનું સ્વાગત
કમલમમાં એન્ટર થતા જ નીતિન પટેલ, રુપાણી સહિતના દિગ્ગજો દ્વારા પુષ્પ આપીને પીએમ મોદીનું સ્વાગત કર્યુ. કાર્યકરો પીએમ મોદીને પગે લાગતા જોવા મળ્યા હતા. આ દરમિયાન સ્વાગતમાં ઉપસ્થિત સૌ કોઇએ પીએમ મોદી જેવી જ લાલ ટોપી પહેરી હતી. પીએમ મોદીની મુલાકાતમાં લાલ ટોપી એક આકર્ષણનું કેન્દ્ર બની હતી.
ભવ્ય રોડ શોમાં મોદી મોદી અને જય શ્રી રામના લાગ્યા નારા
વ઼ડાપ્રધાન નરેન્દ્ર મોદી પોતાના લુક અને ડ્રેસિંગને લઇને ચાહકોના મનમાં એક અલગ જ છાપ છોડી જાય છે. ત્યારે આ વખતે ગુજરાત મુલાકાતમાં તેમણે સિમ્પલ પહેરવેશમાં જોવા મળ્યા. સફેદ ઝભ્ભો, લાલ ટોપી અને સફેદ ખેસ સાથે ગોગલ્સ પહેરેલા જોવા મળ્યા.વી ફોર વિક્ટરીનો સિમ્બોલ જ્યારથી રોડ શોની શરુઆત થઇ ત્યારથી પીએમ મોદીના ચહેરા પર ખુશીની લહેર જોવા મળી રહી હતી. ચાર રાજ્યોમાં જીતની ખુશીની આ લહેર લોકોમાં પણ જોવા મળી. મોદી મોદીના નારા સાથે રોડ રસ્તા ગુંજી ઉઠ્યા. તો પીએમ મોદી પણ શરુઆતથી જ વિક્ટરી સિમ્બોલ બતાવતા જોવા મળ્યા.
એરપોર્ટ પર મહાસ્વાગત વિધિ
અમદાવાદ એરપોર્ટ પર વડાપ્રધાન નરેન્દ્ર મોદીનું રાજ્ય સરકાર દ્વારા પ્રોટોકોલ પ્રમાણે સ્વાગત કરવામાં આવ્યું હતું. આ ઉપરાંત એરપોર્ટની બહાર યુક્રેનથી પર આવેલા ગુજરાતી વિદ્યાર્થીઓ ઓપરેશન ગંગા અંતર્ગત પોસ્ટર, પ્લે કાર્ડ સાથે PM મોદીનું અભિવાદન કર્યું હતું. ઉલ્લેખનીય છે કે, વિદ્યાર્થીઓ વહેલી સવારથી જ પોતાના વાલીઓ સાથે સર્કિટ હાઉસ સાથે આવ્યાં હતાં.