આરોપી દેશી દારૂ પિવાની અને પોર્ન જોવાની ટેવ હતી,બાળકીને લાલચ આપી લઈ જતો, દુષ્કર્મ કરી ગરબે ઘૂમતો, બાદમાં હત્યા કરી ફરી દુષ્કર્મ કરતો
ગાંધીનગર પોલીસે સાયકો રેપિસ્ટની કરી ધરપકડ
દુષ્કર્મ બાદ હત્યા કરી ફેંક્યો હતો બાળકીનો મૃતદેહ
વિજય ઠાકોરે દુષ્કર્મ અને હત્યાને આપ્યો હતો અંજામ
ગાંધીનગર પોલીસે સાયકો રેપીસ્ટ વિજય ઠાકોરની ધરપકડ કરી છે. 3 વર્ષની માસૂમ બાળકીના અપહરણ બાદ મૃતદેહ મળી આવ્યો હતો. પોસ્ટમોર્ટમ રિપોર્ટમાં બાળકી સાથે દુષ્કર્મ થયું હોવાનો ખુલાસો થયો હતો. બાળકી સાથે દુષ્કર્મ કર્યા બાદ બાળકીને મૃતદેહને ફેંકી દેવામાં આવ્યો હતો. ગાંધીનગર એલસીબીની ટીમને આ મામલે સફળતા મળી છે એલસીબીની ટીમે સાયકો રેપિસ્ટની ધરપકડ કરી તેના રિમાન્ડ મેળવ્યા છે. રિમાન્ડ દરમિયાન પૂછપરછમાં વધુ એક કેસમાં પણ સાયકો રેપિસ્ટની સંડોવણી બહાર આવી છે. 5 નવેમ્બરે પણ બાળકી સાથે આ પ્રકારની ઘટના બની હતી. જે ઘટનાને પણ આ જ આરોપી વિજય ઠાકોરે અંજામ આપ્યો હતો. વિજયે આવી કેટલી ઘટનાઓને અંજામ આપ્યો છે એ દિશામાં પણ તપાસ ચાલી રહી છે.
ત્યારે આ અંગે ગાંધીનગર રેન્જ આઇજી અભય ચૂડાસમાએ કહ્યું કે આરોપી બાળકીઓને લાલચ આપી પરિવારથી દૂર લઇ જતો હતો. આરોપી વાંસઝડા ગામનો છે અને છૂટક મજૂરી કરે છે. આરોપીને મોબાઇલ પર પોર્ન ફિલ્મ જોવાની આદત અને આરોપી દેશી દારૂ પિવાની ટેવ છે. અને આવી ટેવોને કારણે તેનામાં વિકૃતિ આવે છે. ત્યારે દીકરીઓના માતા-પિતાને પણ અપીલ કરી હતી કે બાળકોને માતા પિતા અજાણ્યા વ્યક્તિથી દૂર રાખે અને લાલચથી બાળકોને સચેત કરવા જોઇએ.
કેવી રીતે ઘટનાને આપતો અંજામ?
આરોપીને દેશી દારૂ પિવાની તેમજ પોર્ન જોવાની ટેવ હતી. હવસખોર આરોપી એક કિસ્સામાં બાળકીને કપડા અપાવવાની લાલચ આપી લઇ ગયો હતો. તો એક બાળકીના હાથમાંથી મોબાઇલ ઝુંટવી ભાગ્યો હતો જે બાદ બાળકી પાછળ દોડતા તેને ઉઠાવી લઇ ગયો હતો. જે બાળકીનું મોત થયું તેને ઊંઘમાં સુતી વખતે ઉઠાવી ગયો હતો. આરોપી માનસિક વિકૃતિ ધરાવે છે જેને 3 ઘટનાઓની કબૂલાત કરી છે. આરોપીએ દિવાળીના દિવસે 5 વર્ષીય બાળકી સાથે દુષ્કર્મ આચર્યુ હતું. જે બાદ તે નજીકના એક ગામમાં ગરબે રમ્યો હતો. બીજા દિવસે બીજી બાળકીની હત્યા કરી દુષ્કર્મ આચર્યુ અને બીજા દિવસે પણ પોતાના ગામે ગરબાના આયોજનમાં ગરબે રમ્યો હતો. ત્રીજા કેસમાં બાળકીની ઉંમર 7 વર્ષની છે. સાંતેજ કેનાલની 2-3 કિમી વિસ્તારમાં જ ઘટનાઓ બની હતી.
કેવી રીતે ઝડપાયો આરોપી?
ગાંધીનગર પોલીસે સાયકો રેપિસ્ટની ધરપકડ કરી છે. એક બાળકી કેનાલ પાસેથી બેભાન હાલતમાં મળી આવી હતી જે બાદ પોલીસે આરોપીની શોધખોળ શરૂ કરી હતી.પોલીસે લોકોની પૂછપરછ કરી હતી કારણ કે આરોપી ઘટનાને અંજામ આપતી વખતે ફોનનો ઉપયોગ ટાળતો હતો. જેથી લોકોને ભટકતા યુવકો અંગે માહિતી મેળવી હતી. CCTV ફૂટેજ પણ ચેક કરવામાં આવ્યા હતા. જેમાં શંકાના આધારે વિજય ઠાકોર નામના આરોપીની ધરપકડ કરી હતી અને તેણે પોલીસ તપાસમાં દુષ્કર્મ અને ગુનાઓની કબૂલાત કરી હતી. જે બાદ આરોપીને કોર્ટમાં રજૂ કરી 11 નવેમ્બર સુધીના રિમાન્ડ મંજૂર કરવામાં આવ્યા છે.
ગાંધીનગર રેન્જ IGએ શું કહ્યું?
આવા આરોપીઓ સામાન્ય પરિવારની બાળકીને ટાર્ગેટ કરતા હોય છે
લાલચ આપીને બાળકોને ઉઠાવી જવાના મહત્તમ કેસ
આરોપીને 6 વર્ષની દિકરી છે
બાળકોને માતા પિતા અજાણ્યા વ્યક્તિથી દુર રાખે
લાલચથી બાળકોને સચેત કરવા જોઇએ
વસાહત વિસ્તારોમાં આવી ઘટનાઓ વધુ બને છે
મહિલા પોલીસ સ્ટેશન ટીમ એક્ટિવ કરી જાગૃતિ લાવીશું
લોકોને જાગૃત કરવા માટે અભિયાન શરૂ કરાશે
આવા બનાવ ટ્રેસ કરવા ઘણા અઘરા છે
એક જ વ્યક્તિએ આ ગુના આચરેલા છે
આવા વિકૃતિ માણસો સમાજ માટે ચિંતાનો વિષય છે
આવા લોકો સમાજ વચ્ચે સામાન્ય જીવન જીવતા હોય છે
4 લાખથી 7 લાખ રૂપિયા સુધીનું ભોગ બનનારને વળતર
આ મામલે રાજ્ય બાળ આયોગે ગંભીર નોંધ લીધી છે..બાળ આયોગના ચેરપર્સન જાગૃતિ પંડ્યાએ સમગ્ર મામલે તપાસના આદેશ આપ્યા છે અને જિલ્લા પોલીસ વડાને કડક કાર્યવાહી કરવા સૂચના આપી છે...સાથે જ ભોગ બનનાર મૃતક બાળકીના પરિવારને આર્થિક સહાય કરવા માટે જિલ્લા કાનૂની સહાય કેન્દ્રને વિનંતી કરી છે...આપને જણાવી દઈએ કે, આ ઘટનામાં ગાંધીનગર પોલીસે સાયકો રેપીસ્ટ વિજય ઠાકોરની ધરપકડ કરીને કાયદેસરની કાર્યવાહી હાથ ધરી છે....ચુકાદા બાદ કાયદાકીય જોગવાઈ અનુસાર 4 લાખથી 7 લાખ રૂપિયા સુધીનું વળતર ભોગ બનનાર મૃતક બાળકીના પરિવારને આપવામાં આવશે..પરંતુ હાલ 20 હજાર રૂપિયા જેટલી તાત્કાલિક સહાય જિલ્લા કાનૂની સેવા સહાય કેન્દ્ર તરફથી પરિવારજનોને અપાશે.