ગાંધીનગરના નવા મેયર હિતેષ મકવાણા બન્યા છે તેઓ ગાંધીનગર મનપાના વોર્ડ-8ના કોર્પોરેટર છે
પ્રથમ અઢી વર્ષ હિતેશ મકવાણા મેયર બન્યા
ડેપ્યુટી મેયર તરીકે પ્રેમલસિંહ ગોલની વરણી કરાઇ
ભાજપે 10 વર્ષમાં પહેલીવાર બહુમતી હાંસલ કરી
ગાંધીનગરના નવા મેયર હિતેષ મકવાણા બન્યા છે તેઓ ગાંધીનગર મનપાના વોર્ડ-8ના કોર્પોરેટર છે તેમજ ભાજપના પૂર્વ ધારાસભ્ય પૂનમભાઈ મકવાણાના પુત્ર છે મહત્વનું છે કે પૂનમભાઈ મકવાણાનું અનુસૂચિત સમાજમાં સારુ એવું પ્રભુત્વ છે, અહી ઉલ્લેખનિય છે કે મનપામાં આ વખતે પ્રથમ અઢી વર્ષ અનુસૂચિત જાતિના મેયર માટે અનામત છે ત્યારે પ્રથમ અઢી વર્ષ માટે હિતેષ મકવાણાની પરસંગી થઈ છે.
ડેપ્યુટી મેયર તરીકે પ્રેમલસિંહ ગોલની વરણી કરાઇ
ગાંધીનગરમાં કોર્પોરેશનની સામાન્ય સભામાં આજે મેયરની વરણી હિતેશ મકવાણા બન્યા છે ત્યારે ડેપ્યુટી મેયર તરીકે પ્રેમલસિંહ ગોલની વરણી કરાઇ છે. જ્યારે સ્ટેન્ડિંગ કમિટીના ચેરમેન સહિતના પદાધિકારીઓની વરણીની ચાલી રહી છે, મહત્વનું છે કે નવા મેયર હિતેશ મકવાણા પૂર્વ ધારાસભ્ય પૂનમ મકવાણાના પુત્ર અને ગુજરાતી અભિનેત્રી રોમા માણેકના પતિ છે. ગાંધીનગર મનપામાં ભાજપે પ્રથમવાર બહુમતી મેળવી છે. ત્યારે આજે શહેરના પાંચમા મેયર તરીકે હિતેશ મકવાણાની વરણી કરાઇ છે.
પ્રથમ અઢી વર્ષ હિતેશ મકવાણા મેયર બન્યા
મહત્વનું છે કે કોર્પોરેશનની મેયર પદ તરીકે પ્રથમ અઢી વર્ષ માટે એસસી માટે અનામત હોવાથી વોર્ડ-4ના ભરત દિક્ષિત અને વોર્ડ નં-8ના હિતેશ મકવાણા રેસમાં હતા તો બીજી તરફ બીજા અઢી વર્ષ માટે મેયર પદ સ્ત્રી માટે અનામત હોવાથી પ્રથમવાર કોઈ પુરૂષને તક અપાય તેવી શક્યતાઓ જોવા મળી રહ્યા હતી પરતું હવે નવા મેયરનું નામ જાહેર થઈ ગયું છે ત્યારે હવે નવા મેયર તરીકે હિતેશ મકવાણા પદ ભાર સંભાળશે.
ભાજપે 10 વર્ષમાં પહેલીવાર બહુમતી હાંસલ કરી
ગાંધીનગર મહાનગરપાલિકામાં ભાજપે 10 વર્ષમાં પહેલીવાર બહુમતી હાંસલ કરી છે. મનપાના 11 વોર્ડની 44 બેઠકમાંથી ભાજપે 41 બેઠક પર વિજય હાંસલ કર્યો છે, જ્યારે કોંગ્રેસને બે અને આપના ફાળે એક બેઠક આવી છે.ચૂંટણીમાં ભાજપને 46% મત મળ્યા જ્યારે કોંગ્રેસને 28% અને AAPને 21% મત મળ્યા છે. કોંગ્રેસ અને AAPને બન્નેના મતની ટકાવારી ભેગી થાય તો ભાજપથી વધુ મત હાંસલ કરી શકત પણ એવું બન્યું નથી, આમ આદમી પાર્ટીએ કોંગ્રેસના મતોમાં મોટું ગાબડું પાડ્યુંહોવાનું રાજકીય પંડિતો માની રહ્યા છે. ત્યારે આજે મળનારી સામાન્ય બેઠકમાં મેયરના બપોર સુધીમાં જાહેરાત થઈ જશે.