જનાદેશ / ગાંધીનગર મનપામાં કેસરિયો જ કેસરિયો, જુઓ કયા વૉર્ડમાં કોણ જીત્યું, નામજોગ યાદી

• ગાંધીનગર મનપાનું પરિણામ
• ભાજપ પ્રચંડ જીત તરફ 
• જુઓ અત્યાર સુધીમાં જીત હાંસલ કરેલ ઉમેદવારની યાદી

ગાંધીનગર મનપાની ચૂંટણીના ચૂંટણી પરિણામનો આજે દિવસ છે ત્યારે 11 વોર્ડની 44 બેઠકોના 162 ઉમેદવારોના ભાવિના ફેસલાની ઘડીઑ ગણાઈ રહી છે, આ વખતે આમ આદમી પાર્ટીમાં પણ ચૂંટણી રણ સંગ્રામમાં જોડાઈ છે. જો કે, અત્યાર સુધી સામે આવેલા પરિણામોમાં ભાજપની પ્રચંડ જીત તરફ આગળ વધી રહ્યું છે. ત્યારે જાણો અત્યાર સુધીમાં જીત હાંસલ કરેલ ઉમેદવારોની યાદી

ગાંધીનગરના જીત મેળવેલ ઉમેદવારોની યાદી

વોર્ડ નં.3 કોંગ્રેસ પાસેથી ભાજપે છીનવ્યો

આ બાજુ ગાંધીનગર મનપાની ચૂંટણીમાં વોર્ડ નં. 3 જે ગત ચૂંટણીમાં કોંગ્રેસે જીત મેળવી હતી તે આ વખતે ભાજપે આંચકી લીધી છે. વોર્ડ નં.3માં ભાજપના 3 અને કોંગ્રેસના 1 ઉમેદવારની જીત થઈ હતી. કોંગ્રેસમાંથી એકમાત્ર ઉમેદવાર અંકિત બારોટની જીત થઈ હતી.

આજે ગાંધીનગર મનપાની ચૂંટણીનું પરિણામ

ગાંધીનગર મનપાની ચૂંટણીના ચૂંટણી પરિણામનો આજે દિવસ છે ત્યારે 11 વોર્ડની 44 બેઠકોના 162 ઉમેદવારોના ભાવિના ફેસલાની ઘડીઑ ગણાઈ રહી છે. આજે સવારે 8 વાગ્યાથી મત ગણતરી શરૂ થશે. મહત્વનું છે કે સરેરાશ 57 ટકા જેટલું મતદાન નોંધાયું હતું, જેમાં પુરૂષ મતદારોએ 59.27 ટકા મતદાન કર્યું જ્યારે મહિલા મતદારાએ 53.02 ટકા મતદાન કર્યું હતું. ત્યારે ત્રિપાખિયા જંગમાં ભાજપ, કોંગ્રેસ અને AAP ના 44-44 ઉમેદવારો અને BSPના 6 અને NCPના 1 તેમજ 10 અપક્ષ ઉમેદવાર ચૂંટણી લડ્યા હતા. આજે મતપેટી ખૂલતાંની સાથે જ જનતા કોને ગાંધીનગર મનપાની ગાદી પર બેસાડવા માંગે છે તે જાહેર થશે. સચોટ અને સૌથી ઝડપી પરિણામની અપડેટ જોવા માટે જોતાં રહો વીટીવી ગુજરાતી. બનાસકાંઠાની થરા, દ્વારકાની ઓખા અને જામનગરની ભાણવડ નગરપાલિકા તેમજ તાપી જિલ્લા પંચાયત કરંજવેલ બેઠક, અમદાવાદ ઈસનપૂર અને ચાંદખેડા વોર્ડ પર પેટાચૂંટણી થઈ હતી. જેનું પણ પરિણામ આજે આવશે

162 ઉમેદવારોના ભાવિ EVMમાં સીલ
ગાંધીનગર મહાનગર પાલિકા ચૂંટણીમાં 11 વોર્ડની 44 બેઠકો પર મનપાની 44 બેઠકો પર 162 ઉમેદવારોના ભાવિ મતપેટીમાં સીલ થયા હતા.જે આજે જનતાના આદેશ રૂપી ખુલશે. ચૂંટણી માટે 284 મતદાન મથકો પર  મતદાન થયું હતું. મતદાન માટે 317 CU મશીન, 461 BU મશીન ઉપયોગમાં લેવાયા હતા. 144 સંવેદનશીલ, 4 અતિસંવેદનશીલ મતદાન મથકો હતા જેમાં એકલ દૉકલ ઘટનાઑને બાદ કરતાં શાંતિપૂર્ણ રીતે મતદાન પૂર્ણ થયું હતું .જેમાં 5 ચૂંટણી અધિકારીઓની ચાંપતી નજર હેઠળ  ચૂંટણી યોજાઈ હતી. આજે 5 ઓક્ટોબરના રોજ ચૂંટણીનું પરિણામ જાહેર થશે. ત્યારે વિધાનસભા ચૂંટણી પહેલા ગાંધીનગર મનપા પર કોનું રાજ રહેશે તે તરફ સૌ કોઇની મીટ મંડાયેલી છે.

ગાંધીનગર મનપા ચૂંટણીના પરિણામને લઈ કેવી તૈયારી?

• આજે મતગણતરીને લઈ તૈયારીઓ થઈ પૂર્ણ
• 5 જગ્યાએ મતગણતરી કરવામાં આવશે
• 162 ઉમેદવારોના ભાવિનો ફેંસલો થશે
• 53 ટેબલ પર મતગણતરી હાથ ધરાશે
• 5 સ્ટ્રોંગરૂમની અંદર EVM રાખવામાં આવ્યા છે
• સવારે 8 વાગ્યાથી મત ગણતરી શરૂ થશે
• કોરોનાની ગાઈડલાઈનનું ચુસ્ત પાલન કરાશે

મતગણતરી ક્યાં ? 

• વોર્ડ નંબર      મતગણતરી સ્થળ 
• વોર્ડ 1 - 2      ગવર્નમેન્ટ સાયન્સ કોલેજ, સેક્ટર ૧૫ 
• વોર્ડ ૩ - ૪     આઈઆઈટી, સેક્ટર ૧૫ 
• વોર્ડ ૫ - ૬     કોમર્સ કોલેજ, સેક્ટર ૧૫ 
• વોર્ડ ૭ - ૮     સ્વર્ણિમ સ્પોર્ટ્સ યુનિવર્સિટી, સેક્ટર
• વોર્ડ 9 - 10 - 11  સરકારી કોલેજ, સેક્ટર ૧૫