નિર્ણય / BIG NEWS: ગુજરાતમાં હવે આ ભરતી પરીક્ષા પણ સ્થગિત, દિનેશ દાસાએ જુઓ શું આપ્યું કારણ

• ગાંધીનગર મનપાની ભરતી પરીક્ષા સ્થગિત
• નિયમોમાં ફેરફાર થવાના હોવાથી સ્થગિત
• દિનેશ દાસાએ ટ્વિટ કરી આપી જાણકારી

GPSCના ચેરમેન દિનેશ દાસાએ ટ્વીટ કરીને માહિતા આપતા કહ્યું હતું કે, ભરતી નિયમોમાં ફેરફાર થવાના હોવાથી આગામી સમયમાં યોજનારી ગાંધીનગર મનપાની ભરતી પરીક્ષાઓ હાલના તબક્કે સ્થગિત કરવામાં આવેલ છે.

શું કહ્યું દિનેશ દાસાએ? 

ગાંધીનગર મહાનગરપાલિકા ભરતી બાબત :

JTP તથા પ્લાનીગ આસીસ્ટન્ટના ભરતી નિયમોમાં ફેરફાર થવાની શક્યતા હોઈ, પરીક્ષા હાલ પુરતી સ્થગિત રાખવામાં આવી છે.

તે જ રીતે અન્ય જાહેરાતોમાં જગ્યાની સંખ્યામાં ફેરફાર થવાની GMC તરફથી આયોગને જાણ કરવામાં આવી હોય PTના પરિણામ જાહેર કરવામાં આવ્યા નથી. https://t.co/pFo5VCqHTx

— Dinesh Dasa (@dineshdasa1) December 22, 2021

ગાંધીનગર મહાનગરપાલિકા ભરતી બાબત : 

JTP તથા પ્લાનીગ આસીસ્ટન્ટના ભરતી નિયમોમાં ફેરફાર થવાની શક્યતા હોઈ, પરીક્ષા હાલ પુરતી સ્થગિત રાખવામાં આવી છે. તે જ રીતે અન્ય જાહેરાતોમાં જગ્યાની સંખ્યામાં ફેરફાર થવાની GMC તરફથી આયોગને જાણ કરવામાં આવી હોય PTના પરિણામ જાહેર કરવામાં આવ્યા નથી.

ગઈકાલે હેડ ક્લાર્કની પરીક્ષા થઈ રદ્દ, માહિતી ખાતાની ભરતી વિવાદમાં 

ગુજરાતમાં હેડ ક્લાર્કની ભરતીનું પેપર લીક થયા બાદ હવે તેની પરીક્ષા રદ્દ કરવામાં આવી છે, ત્યારે માહિતી વિભાગ વર્ગ 1 અને 2 ભરતીના વિવાદ બાદ હાઈકોર્ટે ભરતી પ્રક્રિયા આગળ વધારવા પર રોક લગાવી છે. કોર્ટે ભરતી માટેની બહાર પડાયેલી યાદી પર રોક લગાવી દીધી છે 

વર્ગ 1 અને 2ની ભરતી મુદ્દે ગુજરાત હાઇકોર્ટનો સ્ટે 

માહિતી વિભાગના વર્ગ 1 અને 2ની અલગ અલગ પોસ્ટની ભરતીના વિવાદમાં હાઇકોર્ટે ડેપ્યુટી ડાયરેક્ટર, વર્ગ-૧ અને ૨ ની ભરતી પ્રક્રિયા આગળ વધારવા પર સ્ટે મુકી દીધો છે ભરતી માટેના સિલેક્ટ લિસ્ટ પર હાઇકોર્ટે સ્ટે મુક્યો છે.  મહત્વનું છે કે રાજ્યમાં હેડ ક્લાર્કની ભરતીમાં કૌભાંડ સામે આવ્યા બાદ હવે માહિતી વિભાગની ભરતીમાં પણ કૌભાંડ થયાની આશંકા સેવાઈ રહી છે. ભરતી પ્રક્રિયાને લઈને કેટલાક ઉમેદવારોએ હાઇકોર્ટમાં ભરતી પ્રક્રિયાને પડકાર આપ્યો હતો. 

હાઈકોર્ટે ભરતી પ્રક્રિયા આગળ વધારવા પર રોક લગાવી

ઇન્ટરવ્યૂ લેવા માટે 5 વ્યક્તિની પેનલના તમામ સભ્યોએ હાજર રહી ઇન્ટરવ્યૂ લીધા નથી. અરજદારની રજુઆત '100 માર્ક ઇન્ટરવ્યૂ માં પેનલના દરેક સભ્યોએ માર્ક આપવાના હોય છે પરંતુ પેનલના સભ્યોની સંખ્યા  ઓછી હોવાના કારણે ઉમેદવારોને અપાયેલા માર્કમાં સમાનતા જળવાઈ નથી'. હાઇકોર્ટે રાજ્ય સરકાર, માહિતી વિભાગ સહિતના પક્ષકારોને નોટિસ ફટકારી છે. હાઈકોર્ટે પૂછ્યું. આવું કઈ રીતે ચાલે? ભરતી પ્રક્રિયામાં સમાન તક ના સિધ્ધાંતનો ભંગ થયો હોવાનું કોર્ટનું પ્રાથમિક તારણ.