ચૂંટણીનો જંગ / ગાંધીનગરમાં મહાનગર પાલિકાની ચૂંટણી સાથે આજે ગુજરાતમાં કઈ-કઈ બેઠકો માટે ક્યાં ક્યાં થઈ રહ્યું છે મતદાન, જાણો 

• ઉમેદવારોના ભાવિ EVM થશે સીલ
• આજે મહાનગરપાલિકાની ચૂંટણી માટે મતદાન
• રાજ્યમાં આ નપા, તાલુકા પંચાયતની પેટાચૂંટણી

આજે ગાંધીનગરમાં મહાનગર પાલિકાની ચૂંટણી છે સાથે જ 7 જિલ્લા પંચાયતની 8 બેઠક પર પેટાચૂંટણી થનાર છે જેમાં રાજ્યમાં વિવિધ નગરપાલિકાની 42 બેઠક પર 117 ઉમેદવાર અને વિવિધ તાલુકા પંચાયતની 43 બેઠકો પર 123 ઉમેદવાર વચ્ચે ચૂંટણી યોજાઈ રહી છે 

અમદાવાદમાં બે વોર્ડમાં પેટા ચૂંટણી

જો વાત કરવામાં આવે તો અમદાવાદ મનપાની 2 વોર્ડ નં-3, વોર્ડ નં-45ની પેટાચૂંટણી થશે અમદાવાદમાં ચાંદખેડા અને ઈસનપુર વોર્ડમાં ચૂંટાયેલા કોર્પોરેટરે રાજીનામું આપતા અને એક કોર્પોરેટરનું અવસાન થતાં બંને સીટ પર પેટાચૂંટણી યોજાઈ રહી છે જેમાં ચાંદખેડાની બેઠક પર વહેલી સવારથી જ મતદારોનો ધસારો જોવા મળી રહ્યો છે. ચાંદખેડા વોર્ડના ભાજપના ઉમેદવાર રીટાબેન પટેલે દુન બ્લોસમ સ્કૂલમાં પોતાના પરિવાર સાથે મતદાન કર્યું હતું.

જૂનાગઢમાં મપનાની પેટા ચૂંટણી

જૂનાગઢ મનપાની વોર્ડ નં-8ની પેટા ચૂંટણી યોજાનાર છે તેમજ બીજી તરફ અલગ-અલગ નગરપાલિકાની 39 બેઠકો પર અને તાલુકા પંચાયતોની 47 ખાલી બેઠકો પર પેટાચૂંટણીની પ્રક્રિયા હાથ ધરાઈ રહી છે. 

ઓખા અને ભાણવડ નપાની ચૂંટણી

બનાસકાંઠામાં  થરા, ઓખા અને ભાણવડ નગરપાલિકાની ચૂંટણીમાં 78 બેઠક પર 205 ઉમેદવાર વચ્ચે ચૂંટણી યોજાઇ છે. થરા નગરપાલિકાની બેઠક માટે આજે મતદાન થઇ રહ્યું છે. જેમાં 6 વોર્ડમાંથી 5 વોર્ડના 20 સદસ્યો માટે ચૂંટણીમાં  વોર્ડનં 3ના ભાજપના 4 ઉમેદવાર બિન હરીફ થયા છે. અહીં પાંચ વોર્ડની  20 બેઠકો માટે 48 ઉમેદવાર મેદાને છે.  થરામાં પણ કોંગ્રેસ, ભાજપ અને આપ વચ્ચે ત્રિપાંખિયો જંગ છે. અરવલ્લીની ખાલી પડેલી પાલિકાની 4 બેઠક માટે પણ મતદાન થઇ રહ્યું છે. અરવલ્લીમાં 64 મતદાન મથક પર ચુસ્ત પોલીસ બંદોબસ્ત ગોઠવાયો છે. 

ભાણવડ નગરપાલિકાની વોર્ડ નં 6માં 24 બેઠકો પર મતદાન 

દ્વારકાની ભાણવડ નગરપાલિકાની વોર્ડ-6ની 24 બેઠકો માટે મતદાન યોજાઈ રહ્યું છે જેમાં 72 ઉમેદવારોનું ભાવિ ઈવીએમમાં સીલ થશે ભાણવડ નગરપાલિકાના 18 હજાર 300 જેટલા મતદારો તો ચૂંટણીને લઈને સુરક્ષા બંદોબસ્ત ગોઠવી દેવામાં આવ્યો જેમાં 206 જેટલા પોલીસ જવાનો તૈનાત કરાયા છે. 

ઉપલેટા નગરપાલિકામાં વોર્ડ નં-5ની પેટાચૂંટણી

ઉપલેટા નગરપાલિકામાં વોર્ડ નં-5ની પેટાચૂંટણીમાં આજે 5 હજાર 381 મતદારો મતદાન કરશે જેમાં ભાજપ,કોંગ્રેસ તથા AAPના મહિલા ઉમેદવારો મેદાને છે ત્યારે તેમનું ભાવી ઈવીએમમાં સીલ થશે, ભાજપના મહિલા ઉમેદવારનું મૃત્યુ થતા આ બેઠક ખાલી પડી હતી જેના પર આજે મતદાન યોજાઈ રહ્યું છે ત્યારે ચુસ્ત પોલીસ બંદોબસ્ત ગોઠવી દેવામાં આવ્યો છે. 

તાપીમાં  કરંજવેલની ખાલી પડેલી બેઠક  મતદાન 

આ તરફ તાપી જિલ્લા પંચાયત કરંજવેલની ખાલી પડેલી બેઠક માટે પણ ચૂંટણી યોજાઇ રહી છે. આમ તો આ બેઠક કોંગ્રેસનો ગઢ ગણાય છે. અહીં પણ કોંગ્રેસ, ભાજપ અને આપ વચ્ચે ત્રિપાંખિયો જંગ છે. જ્યારે દ્વારકાના ઓખા નગરપાલિકાની ચૂંટણી માટે 50 બૂથો પર મતદાન થઇ રહ્યું છે. તો રાજકોટ જિલ્લા પંચાયતની બે બેઠક સાણથલી અને શિવરાજપુર બેઠક માટે વોટિંગ થઇ રહ્યુ છે. 

પાટણમાં પેટાચૂંટણી, વહેલી સવારથી મતદાન 

આ તરફ પાટણની રાધનપુર નગરપાલિકાના વોર્ડ-7માં પેટાચૂંટણી યોજાઈ રહી છે, જેમાં તાલુકા પંચાયતની ચલવાડાની બેઠક નંબર-5ની પેટાચૂંટણી યોજાઈ રહી છે. સવારથી મતદારો મતદાન કરવા પહોંચી રહ્યા છે. 

પંચમહાલની નદીસર તાલુકા પંચાયતની પેટાચૂંટણી

પંચમહાલની નદીસર તાલુકા પંચાયતની પેટાચૂંટણી માટે મતદાન યોજાઈ રહ્યું છે, જેમાં ભાજપ, કોંગ્રેસ, AAP અને અપક્ષ ઉમેદવારો ચૂંટણી જંગમાં ઉતર્યા છે, પેટાચૂંટણી માટે કુલ 4 ઉમેદવાર મેદાનમાં  છે જ્યારે 7132 મતદારો પોતાના મતાધિકારનો ઉપયોગ કરશે, કુલ 8 મતદાન કેન્દ્રો પર મતદાન પ્રક્રિયા યોજાઇ રહી છે નદીસર તાલુકા પંચાયતમાં પણ પેટાચૂંટણી યોજાઈ રહી છે 

ભરૂચ નપામાં પેટાચૂંટણી 

ભરૂચ નગરપાલિકાના વોર્ડ નંબર-19ની પેટાચૂંટણીમાં સવારથી મતદારો મતદાન કરવા પહોંચી રહ્યા છે. જેમાં ભાજપ, કોંગ્રેસ, AAP અને AIMIMના ઉમેદવાર મેદાનમાં છે અહી કોંગ્રેસના મહિલા સભ્ય અસ્માબેન શેખના નિધનથી બેઠક ખાલી પડી હતી આ બેઠક જીતવા તમામ પક્ષોએ એડીચોટીનું જોર લગાવ્યું તો વહેલી સવારથી મતદાન કેન્દ્રો પર લોકો ઉમટ્યા છે. 

ખેડા જિલ્લામાં આજે પેટાચૂંટણીનું મતદાન

ખેડા જિલ્લામાં આજે પેટાચૂંટણીનું મતદાન થઈ રહ્યું છે જેમાં ડાકોર નગરપાલિકાના વોર્ડ-1, 4, 6, 7ની 8 બેઠકનું મતદાન પ્રક્રિયા ચારી રહી છે.ખેડા નગરપાલિકાના વોર્ડ-1 અને 6ની 2 બેઠકો માટે મતદાન છે તો  મહેમદાવાદ નગરપાલિકાના વોર્ડ-6ની 1 બેઠક માટે મતદાન છે આમ કુલ 3 નગરપાલિકાની 12 બેઠકો માટે 57 ઉમેદવારો મેદાનમાં ઉતર્યા છે જેમાં 17 હજાર 561 મતદારો કરશે અને  ઉમેદવારોનું ભાવિ નક્કી કરશે