ગાંધીનગર: માણસા તા.પંચાયતનું પરિણામ કરાયું સ્થગિત જાણો કેમ

ગાંધીનગરની માણસા તાલુકા પંચાયતનું પરિણામ સ્થગિત કરવામાં આવ્યું છે. પક્ષાંતર કરનારા 10 સભ્યોએ બંધ કવરમાં મતદાન કર્યુ છે. ત્યારે હવે હાઈકોર્ટમાં કેસ ચાલુ હોવાના કારણે પરિણામ જાહેર કરવામાં આવ્યા નથી. પક્ષાંતર કરનાર સભ્યોના મત ગણતરી મામલે હાઈકોર્ટ 26 જૂને ચૂકાદો આપશે. ત્યારે હવે કોંગ્રેસ દ્વારા આજે પરિણામ જાહેર કરવાની માગ કરવામાં આવી છે. ચૂકાદા સુધી પરિણામો સ્થગિત રાખવા કોઈ સ્ટે ન હોવાનો કોંગ્રેસ દાવો કર્યો છે. કોંગ્રેસ ચૂંટણીના અધિકારી પર પરિણામ અટકાવી રાખવાનો આક્ષેપ કર્યો છે.

ઉલ્લેખનીય છે કે આજરોજ ગુજરાતના કેટલાક જિલ્લા અને તાલુકાઓની પંચાયતના પ્રમુખ અને ઉપ્રમુખની વરણી માટે ચૂંટણીનું આયોજન કરવામાં આવેલ. જેમાં કેટલીક બેઠકો પર કોંગ્રેસે તો કેટલીક બેઠકો પર ભાજપનો વિજય થયો હતો. જો કે ગાંધીનગર જિલ્લાની માણસા તાલુકા પંચાયતમાં આજરોજ સામાન્ય સભાનું આયોજન કરવામાં આવેલ.જેમાં 10 સભ્યોએ બંધ કવરમાં કર્યું મતદાન કરેલ. જો કે કેસ ચાલુ હોવાને કારણે પરિણામ અટકાવવામાં આવ્યું હતુ.



આપને જણાવી દઇએ કે પરિણામ જાહેર થતું અટકાવાતા કોંગ્રેસના સભ્યોએ આજે જ પરિણામ જાહેર થાય તેવી માગ કરી હતી અને કોર્ટ દ્વારા આવો કોઇ સ્ટે ન હોવાનો પણ કોંગ્રેસ દાવો કર્યો હતો. જો કે આગામી સમયમાં શું થાય છે આ મામલે તે આવનારો સમય જ જણાવશે.