દેશ દિવસેને દિવસે ડિજીટલ ઇન્ડિયા તરફ આગળ વધી રહ્યો છે. ત્યારે રૂપાણી સરકાર પણ પ્રધાનમંત્રી નરેન્દ્ર મોદીના ડિજીટલ ઇન્ડિયા મિશનને આગળ ધપાવી રહી છે. આજરોજ રાજ્ય સરકારના મહેસૂલ મંત્રીએ દસ્તાવેજોને નોંધણી ઓનલાઇન થાય અને ટોકન પણ ઓનલાઇન મળી રહે તેવી વ્યવસ્થા ધરવાતી વેબસાઇટની શરૂઆત કરાવી હતી.
મહેસૂલ મંત્રીની જાહેરાત
દસ્તાવેજની નોંધણી ઓનલાઇન થશે
ઓનલાઇન નોંધણી માટે ટોકન અપાશે
ઉલ્લેખનીય છે કે, હવે પ્રોપર્ટીનો દસ્તાવેજ બનાવવા માટેની તારીખ અને સમય લેવા માટે આપને રજિસ્ટ્રાર ઓફિસે ધક્કા નહીં ખાવા પડે. રાજ્ય સરકાર દ્રારા દસ્તાવેજ નોંધણી માટે ઓનલાઈન ટોકન સેવા શરૂ રહી છે.
ઓનલાઇન ટોકન મેળવી શકાશે
જેના થકી આપ દસ્તાવેજ બનાવવા માટેનો સમય અને તારીખ ઓનલાઇન મેળવી શકશો. આ સિસ્ટમથી મેન્યુઅલ ટોકન લેવાના ધક્કામાંથી મુક્તિ મળશે. 2 માર્ચથી 8 જગ્યાએ ઓનલાઈન ટોકન સેવા શરૂ કરાશે.
પાયલોટ પ્રોજેક્ટ તરીકે કરાઇ શરૂ
અંગે વધુ માહિતી આપતાં તેમણે કહ્યું કે, ઓનલાઈન એપોઈન્ટમેન્ટ શિડ્યુલરનો અમલ પાઈલોટ પ્રોજેક્ટ તરીકે રાજ્યની આઠસબરજીસ્ટ્રાર કચેરીઓમાં શરૂ કરાયો છે , જેમાં અમદાવાદની મેમનગર, દહેગામ, વડોદરાની દંતેશ્વર, નડીયાદ, સુરતનીકુંભરીયા, નવસારી, રાજકોટ તથા જુનાગઢનીટીંબાવાડી સબ રજિસ્ટ્રાર ઓફિસ નો સમાવેશ થાય છે જ્યાં તા.2/3/2020 થી ફરજીયાતપણે અમલ શરૂ થઈ ગયો છે.