1 મે ગુજરાતના સ્થાપના દિન પર ગૃહ વિભાગ મોટો નિર્ણય કરશે. ગાંધીનગરમાં અન્ય મેગાસિટીની માફક પોલીસ માળખુ ગોઠવાઈ શકે છે.
ગૃહ વિભાગમાં મોટા ફેરફારની સંભાવના
મેગાસિટીની માફક ગાંધીનગરમાં બની શકે માળખુ
IG(મહાનિરીક્ષક)ને સ્થાને પો.કમિશનરની થઈ શકે જાહેરાત
રાજ્યના પાટનગર ગાંધીનગરમાં પોલીસ કમિશનર બનાવવા માટે કાર્યવાહી આરંભી દેવામાં આવી છે. હાલના IG(ઈન્સ્પેક્ટર જનરલ)ને સ્થાને ગાંધીનગરમાં પોલીસ કમિશનરના હોદ્દાની જાહેરાત થઇ શકે છે.
ઝોન દીઠ DCP અને ACPના પદની જવાબદારીઓ સોંપાઈ શકે
અમદાવાદ અને ગાંધીનગર જોડિયાં નગર બની ગયાં છે. રાજ્યના પાટનગર ગાંધીનગરને હવે પોલીસ કમિશનરેટ વિસ્તાર બનાવવાની પ્રક્રિયા વેગવાન બનાવવામાં આવી છે. ઝોન દીઠ DCP અને ACPના પદની જવાબદારીઓ સોંપાઈ શકે છે. ગાંધીનગર પોલીસ કમિશનર વિસ્તારનો નકશો બનાવવામાં આવશે. અમદાવાદ શહેરના છેવાડાના વિસ્તારો ગાંધીનગર પોલીસને સોંપાઈ શકે છે. અમદાવાદ શહેરનું સોલા, સાબરમતી, ચાંદખેડા પોલીસ ગાંધીનગર અંતર્ગત આવી શકે છે.
અત્રે ઉલ્લેખનીય છે કે, એક સમયે ચાંદખેડા પોલીસ સ્ટેશન ગાંધીનગર પોલીસની હદમાં હતું તે અમદાવાદ કમિશનરેટને સોંપાયા પછી ફરી ગાંધીનગર પોલીસની હદમાં જનાર છે. આ જ રીતે રીંગ રોડ આસપાસના સોલા અને સાબરમતી પોલીસ સ્ટેશનના વિસ્તારો પણ ગાંધીનગર પોલીસ કમિશનરેટ વિસ્તારમાં જશે.