ગૌરવ / ‘પ્રેસિડેન્ટ્સ કલર્સ’થી ગુજરાત પોલીસનું થશે સન્માન, જાણો કોણ કરી શકે છે અરજી

• ગુજરાત પોલીસને મળશે પ્રેસિડેન્ટલ સન્માન
• પોલીસને પ્રતિષ્ઠીત "President's Colour"થી કરાશે સન્માનિત 
• 15 ડિસેમ્બરે ગાંધીનગર ખાતે યોજાશે કાર્યક્રમ

ઉલ્લેખનીય છે કે, 15 ડિસેમ્બરે ગાંધીનગર પાસે આવેલી ગુજરાત પોલીસ કરાઈ એકેડમી ખાતે દેશના ઉપરાષ્ટ્રપતિ વેંકૈયા નાયડુના હસ્તે આ સન્માન ગુજરાત પોલીસને મળવા જઈ રહ્યું છે. 

સન્માન મેળવનાર ગુજરાત 8મું રાજ્ય

ત્યારે આ સન્માન મેળવનાર ગુજરાત 8મું રાજ્ય બનશે. નોંધનીય છે આ અગાઉ દિલ્હી, મહારાષ્ટ્ર, તામિલનાડુ, હિમાચલ પ્રદેશ સહિત દેશની 7 રાજ્યની પોલીસને આ સન્માન પ્રાપ્ત થઇ ચૂક્યા છે. 

15 December will be a memorable day for Gujarat. State Police will be presented The President's Colours. The COLOUR is testimony of gallant deeds and service rendered by a force. Gujarat Police will receive this honour in a grand function at Gujarat Police Academy, Karai. pic.twitter.com/6qvJUD2rvB

— DGP Gujarat (@dgpgujarat) December 10, 2019

કેમ અપાય છે ‘પ્રેસિડેન્ટ્સ કલર્સ’ ?

રાષ્ટ્રની મિલ્ટ્રી ફોર્સ, પેરા મિલ્ટ્રી ફોર્સ તથા પોલીસ ફોર્સ જેને 25 વર્ષ થઈ ચૂક્યા હોય તે ‘પ્રેસિડેન્ટ્સ કલર્સ’ માટે એપ્લાય કરી શકે છે. ‘પ્રેસિડેન્ટ્સ કલર્સ’ એ બાબતનું પ્રતિક છે કે આ પોલીસ ફોર્સ ગુણવત્તા, સેવા અને સુવિધા પૂરી પાડવામાં સૌથી આગળ છે. જે પોલીસ ફોર્સ ‘પ્રેસિડેન્ટ્સ કલર્સ’ મેળવે છે. તે રાજ્યની પોલીસ માટે શ્રેષ્ઠ સન્માન માનવામાં આવતું હોય છે.

‘પ્રેસિડેન્ટ્સ કલર્સ’ માટે કેવી હોય છે પ્રોસેસ ?

‘પ્રેસિડેન્ટ્સ કલર્સ’ આપવા માટે કેન્દ્રીય સ્તરની એક કમિટી હોય છે. જેમાં 8 રાજ્યના પોલીસ વડા જોડાયેલા હોય છે. કોઈ પણ ફોર્સ કે રાજ્યની પોલીસ ‘પ્રેસિડેન્ટ્સ કલર્સ’ માટે અરજી કરે તો તે અરજી આ 8 રાજ્યના પોલીસ વડાની કમિટી પાસે જાય છે. કમિટી તેનો સ્વીકાર કરે ત્યારબાદ હોમ સેક્રેટરી પાસે મોકલવામાં આવે છે. 

15મી ડિસેમ્બરે ગુજરાત પોલીસને પ્રતિષ્ઠીત "President's Colour" થી સન્માનિત કરાશે

"Colour કે NISHAAN" એ સશસ્ત્ર દળોને તેમના ખંત અને કર્તવ્યનિષ્ઠા બદલ આપવામાં આવતું સર્વોચ્ચ સન્માન છે.#NISHAAN#ColourAward#GujaratPolice pic.twitter.com/HQ3KrXWO38

— Gujarat Police (@GujaratPolice) December 11, 2019

હોમ સેક્રેટરી તેને હોમ મિનિસ્ટર પાસે મોકલતા હોય છે. ત્યારબાદ PMO ઓફિસમાં આ અરજી મોકલવામાં આવે છે. પીએમઓ ઓફિસ તરફથી રાષ્ટ્રપતિને મોકલવામાં આવે છે. આ તમામ જગ્યાએથી એક પણ અસ્વીકાર થાય તો તે ‘પ્રેસિડેન્ટ્સ કલર્સ’ મળતો નથી. આ પ્રક્રિયા ખૂબ જ મુશ્કેલ હોય છે.