ગુજરાત વિધાનસભા સત્રનો સોમવારથી પ્રારંભ થયો છે. ત્યારે સરકાર અને વિપક્ષ વચ્ચે વિધાનસભા સત્રમાં હંગામો થાય તેવી પુરેપુરી શક્યતાઓ જોવા મળી રહી છે. વિધાનસભા સત્ર પહેલા જ CM રૂપાણીએ વિપક્ષ પર વાર કરતા કહ્યું કે વિપક્ષ પાસે કોઇ મુદ્દા નથી. આ સાથે Dy. CM નીતિન પટેલે કૃષિ બિલને ખેડૂત માટે લાભદાયી ગણાવ્યું.
વિધાનસભાના સત્ર પહેલા CM રૂપાણીનો વિપક્ષ પર વાર
કોંગ્રેસ પાસે વિરોધ કરવાનો કોઈ મુદ્દો નથી
વિધાનસભાના સત્ર પહેલા DYCM નીતિન પટેલનુ નિવેદન
કૃષિ બિલથી દરેક ખેડૂતને લાભ મળશેઃ નીતિન પટેલ
વિધાનસભાના સત્ર પહેલા CM રૂપાણીનો વિપક્ષ પર વાર
વિધાનસભાના સત્ર પહેલાં મુખ્યમંત્રી વિજય રૂપાણીએ વિપક્ષ પર આકરા પ્રહાર કર્યા હતા. મુખ્યમંત્રીએ કહ્યું હતું કે, વિપક્ષ પાસે કોઈ મુદ્દા જ નથી. તમામ મોરચે સરકારની કામગીરી સારી રહી છે.
વિધાનસભામાં વિપક્ષ સરકારને ઘેરી નહીં શકે તેવો વિશ્વાસ પણ મુખ્યમંત્રીએ વ્યક્ત કર્યો હતો. CM રૂપાણીએ કહ્યું હતું કે, સરકાર તમામ બાબતો માટે સજ્જ છે. કોરોનામાં સરકારે શ્રેષ્ઠ કામગીરી કરી છે. કૃષિ બિલથી ખેડૂતોને માલ વેચવાનો અધિકાર મળ્યો છે.
DY. CM નીતિન પટેલનું નિવેદન
ગુજરાત વિધાનસભા સત્રના પ્રારંભ પહેલા ઉપ મુખ્યમંત્રી નીતિન પટેલે નિવેદન આપતા કહ્યું કે આજે વિધાનસભા સત્રમાં પ્રારંભમાં શ્રદ્ધાંજલિ આપવામાં આવશે. કૃષિ બિલને લઇને ડે. સીએમ નીતિન પટેલે કહ્યું કે ખેડૂત દેશના કોઇપણ ખુણામાં પોતાની પ્રોડક્ટનું વેચાણ કરી શકશે.
કોંગ્રેસનો વિરોધી બેનર સાથે વિધાનસભા સંકુલમાં પ્રવેશ
જો કે બીજી તરફ કોંગ્રેસના અમદાવાદ શહેરના દરિયાપુરના ધારાસભ્ય અને જમાલપુરના ધારાસભ્ય સરકાર વિરોધી બેનર સાથે વિધાનસભા સંકુલમાં પ્રવેશ્યા હતા. ગુજરાત રાજ્યમાં સરકાર કોરોનામાં નિષ્ફળ રહી હોવાનો બંને ધારાસભ્યોએઆક્ષેપ કર્યો છે. રાજ્યમાં પ્રજા બેરોજગાર છે ત્યારે પોલીસ દંડાનો માર મારી રહી છે.
કોરોનામાં નિષ્ફળ સરકાર પ્રજાને મારે દંડાનો માર જેવા બેનર સાથે પ્રવેશ કર્યો છે. કોંગ્રેસ ધારાસભ્ય ગ્યાસુદ્દીન શેખે આક્ષેપ કરતા કહ્યું કે સરકાર કોરોનાને નાથવાનાં નિષ્ફળ રહી છે અને પોલીસને માસ્કનો દંડ વસૂલવા ટાર્ગેટ આપે છે. આ મુદ્દાને પાંચ દિવસના સત્રમાં ઉઠાવવામાં આવશે.