પરીક્ષાકાંડ / રોષે ભરાયેલા ઉમેદવારો આવેદન આપવા પહોંચ્યા, સામે અધિકારીઓ હસતા જોવા મળ્યાં

• બિનસચિવાલય, ક્લાર્કની પરીક્ષા રદ થતા ઉમેદવારોમાં રોષ
• ગૌણ સેવાની કચેરીના મુખ્ય દ્વાર બંધ કરવામાં આવ્યા
• ઉમેદવારોએ અસિત વોરા હાય-હાયના નારા લગાવ્યા

ઉમેદવારોએ ઓફિસ બહાર આસિત વોરા વિરુધ્ધ લગાવ્યાં નારા

ગૌણ સેવા પસંદગી દ્વારા પરીક્ષા રદ્દ કરવામાં આવતાં ઉમેદવારો ગાંધીનગરની ઓફિસ પહોંચ્યાં હતા. જો કે ઉમેદવારો આવેદન પત્ર આપવા જઇ રહ્યાં હતા ત્યારે જ કચેરીના મુખ્ય દ્વાર બંધ કરી દેવામાં આવ્યાં હતા. જો કે ઉમેદવારોએ અસિત વોરા વિરુધ્ધ નારા લગાવ્યાં હતા.

ઉમેદવારો ઓફિસ બહાર જ બેઠા ધરણા પર

ગાંધીનગર ખાતેની ગૌણ સેવા પસંદગીની ઓફિસ ખાતે ઉમેદવારો આવેદન આપવા પહોંચ્યા હતા. જો કે ઓફિસનો દરવાજો બંધ કરતાં ઉમેદવારો બહાર જ ધરણા પર બેસી ગયા હતા. 

અધિકારીઓ ઉમેદવારોને જોઇને હસી રહ્યાં હતા

પરીક્ષા રદ્દ કરવામાં આવતા ઉમેદવારો આજરોજ ગાંધીનગર ખાતેની ગૌણ સેવા પસંદગી મંડળની ઓફિસે પહોંચી ગયા હતા. જ્યાં ઓફિસનો દરવાજો બંધ કરી દેવામાં આવતાં ઉમેદવારો બહાર ધરણા પર બેઠા હતા. જો કે અધિકારીઓ દ્વારા AC ઓફિસમાં બેસીને માત્ર તમાશો જ જોઇ રહ્યાં હતા. એક તરફ ઉમેદવારોને હાલાકી થઇ રહી હતી ત્યારે ઉમેદવારોને જોઇ અધિકારીઓ હસી રહ્યાં હતાં. 

કેમ રદ્દ કરાઈ હતી પરીક્ષા
બિન સચિવાલય, ક્લાર્ક સહિતની પરીક્ષા રદ કરવામાં આવી હતી. જેમાં હવે શૈક્ષણિક લાયકાત વધારી અને ફરીથી પરીક્ષા લેવાનું નક્કી કરવામાં આવ્યું હતું. આ અગાઉ ધોરણ-12 પાસ પર પરીક્ષા હતી હવે 12 પાસના સ્થાને સ્નાતકની શૈક્ષણિક મર્યાદા નક્કી કરવામાં આવશે. આમ નવી પરીક્ષાની તારીખ ટૂંક જ સમયમાં જાહેર કરવામાં આવશે. જો કે દિવાળી બાદ નવી તારીખ જાહેર થાય તેવી શક્યતા છે.