ગુજરાતના વિદ્યાર્થીઓ માટે આવ્યા ખુશખબર..! સરકારે આ નિયમમાં કર્યો ફેરફાર

ગાંધીનગર: બાળકોને શિક્ષણ મેળવવા માટે વજન ઉચકવો પડતો હતો. ત્યારે હવે સરકાર દ્વારા વિદ્યાર્થીઓના વજનને લઈને ગાઈડલાઈન જાહેર કરવામાં આવી છે. કેન્દ્રીય શિક્ષણ વિભાગે HRD મંત્રાલયના આદેશ મુજબ ગાઈડલાઇન ઘડવા નિર્દેશ કર્યા છે. 

સરકારે ધોરણ 1 અને 2ના વિદ્યાર્થી માટે દોઢ કિલો ધોરણ 3થી 5ના વિદ્યાર્થીઓ માટે 2થી 3 કિલો ધોરણ 6 અને 7ના વિદ્યાર્થી માટે 4 કિલો ધોરણ 8થી 10ના વિદ્યાર્થી માટે સાડા ચાર કિલો અને ધોરણ 10ના વિદ્યાર્થી માટે 5 કિલો સુધીના બેગનું વજન નક્કી કર્યું છે.

મહત્વનુ છે કે હાલમાં તમામ સ્કૂલોમાં 6થી 7 વિષયો હોય છે અને એક સ્કૂલમાં 6થી 7 જેટલા પિરીયડ પણ હોય છે. જેના કારણે તમામ વિષયનો એક પિરીયડ આવતો હોય છે. ત્યારે હવે સરકારની ગાઈડલાઈન મુજબ સ્કૂલો બાળકોના બેગનું વજન કેવી રીતે ઓછું કરશે તે પણ અનેક સવાલ છે. શું હવે વિદ્યાર્થીઓના બુક્સમાં ઘટાડો કરાશે અથવા સ્કૂલોમાં પિરીયડ ઓછા કરાશે તે એક સવાલ છે.

HRD મંત્રાલયના આદેશ મુજબ ગાઇડલાઇન ઘડવા નિર્દેશ

ધો- 1 અને 2ના વિદ્યાર્થી માટે દોઢ કિલોથી વધુ વજન ન હોવું જોઈએ.
ધોરણ 3થી 5ના વિદ્યાર્થી - 2થી 3 કિલો વજન.
ધોરણ 6 અને 7ના વિદ્યાર્થી માટે4 કિલો.
ધોરણ 8થી 10ના વિદ્યાર્થી માટે સાડા ચાર કિલો.
ધોરણ 10ના વિદ્યાર્થી માટે બેગનું વજન 5 કિલો.