લોકસભાની ચૂંટણી પૂર્વે કોંગ્રેસે તેજ કરી કવાયત સંગઠનના લોકોને સોંપાઇ વિવિધ જવાબદારી

અમદાવાદ: લોકસભાની ચૂંટણી પૂર્વે ગુજરાત કોંગ્રેસે કવાયત તેજ કરી નાખી છે. અમદાવાદમાં પ્રદેશ કોંગ્રેસ પ્રભારીની એક બેઠક મળી હતી. જેમાં સંગઠનના ઉપપ્રમુખને 2 જિલ્લાની જવાબદારી સોંપાઈ છે. તો 169 મંત્રીઓને વિધાનસભા પ્રમાણે વિશેષ જવાબદારીઓ સોંપવામાં આવી છે.

આ ઉપરાંત 43 મહામંત્રીઓને શહેર અને જિલ્લા સ્તરની જવાબદારીઓ સોંપવામાં આવી છે. તો કોંગ્રેસના મોટા આગેવાનોને સતત એક મહિનો પ્રવાસ કરી મંતવ્યો જાણવા સુચના આપવામાં આવી છે.

મહત્વનું છે કે કોંગ્રેસે જિલ્લા સ્તરે યોજાનાર સંગઠનમાં હોદ્દેદારોને હાજરી આપવા ખાસ સુચન કરવામાં આવ્યું છે. તો જનસંપર્ક અભિયાનની મુદ્દત પણ લંબાવીને ડિસેમ્બર 2018 સુધીની કરી નાંખી છે. કોંગ્રેસે પાર્ટી ફંડ એકઠુ કરવા માટે બુથ દીઠ 11 હજારનો આંક આપ્યો છે .જેનો વપરાસ ચૂંટણી સમયે કરવામાં આવશે.

આપને જણાવી દઇએ કે લોકસભાની ચૂંટણીના ઢોલ વાગી રહ્યા છે ત્યારે દરેક પક્ષ પોતાના ઉમેદવારને જીતાડવા માટે ખાસ અભિયાન હાથ ધરેલ છે. આ અભિયાનના ભાગરૂપે કોંગ્રેસના પીઢ નેતા અને ગુજરાતના પ્રભારી આજથી ગુજરાતની મુલાકાતે આવી રહ્યા છે. તેમના આગમનને પગલે ગુજરાત કોંગ્રેસ દ્વારા કેટલીક બેઠકોનું આયોજન કરવામાં આવેલ છે.