ગાંધીનગર / CMO કાર્યાલયમાં ફરી કોરોનાવાયરસ ત્રાટક્યોઃ 11 કર્મચારીઓનો રિપોર્ટ પોઝિટવ આવતા લીધો આ નિર્ણય

• મુખ્યમંત્રી કાર્યાલયમાં ફરી કોરોના વાયરસ ત્રાટક્યો
• CMOના 11 કર્મચારીઓ કોરોનાગ્રસ્ત
• ઉપસચિવ, સેકશન ઓફિસરનો કોરોના રિપોર્ટ પોઝિટીવ

ગુજરાતમાં જ્યાં એક તરફ જૂના કોરોનાના કેસો સતત વધી રહ્યાં છે ત્યારે નવા પ્રકારને લઇને રાજ્યમાં પાંચમો કેસ નોંધાયો છે. જેમાં વડોદારના યુવકમાં કોરોનાનો પ્રકાર જોવા મળ્યો છે. 
 

રાજ્યના પાટનગરમાં મુખ્યમંત્રી કાર્યાલયમાં એકવાર ફરી કોરોનાવાયરસ ત્રાટક્યો છે. જેમાં CMOના કર્મચારીઓ કોરોનાગ્રસ્ત જોવા મળ્યાં છે. જેમાં ઉપસચિવ, સેકશન, ઓફિસરનો કોરોના રિપોર્ટ પોઝિટિવ આવ્યો છે. 

જો કે આ પાછળ ISOની ટીમની મુલાકાત બાદ કોરોના ફેલાયો હોવાની શક્યતા છે. હાલ તકેદારીના ભાગરુપે મુખ્યમંત્રી કાર્યાલયમાં મુલાકાતીઓનો પ્રવેશ બંધ કરી દેવામાં આવ્યો છે. આજે કેટલાક કર્મચારીઓના કોરોના રિપોર્ટ આવશે.

4 જાન્યુઆરી 2021ના રોજ ગુજરાતમાં કોરોના વાયરસ સંક્રમણના 698 નવા કોરોનાના કેસ નોંધાયા હતા. આ સાથે જ રાહતના સમાચાર એ હતા કે રિકવરી રેટ ઉત્તરોત્તર વધી રહ્યો છે. જોકે, રાજ્યમાં કોરોનાના થતા ટેસ્ટની સંખ્યા પણ ઘટી છે. રાજ્યમાં એક્ટિવ કેસ ઘટ્યા છે, આ સાથે મહાનગરોમાં પણ કોરોનાના કેસ 200થી ઓછા નોંધાયા હતા.

ગઇકાલની પ્રેસનોટ અનુસાર, આગળના 24 કલાક દરમિયાન કોરોનાના 698 નવા કેસ સામે આવ્યા હતા. જેથી ગુજરાતમાં અત્યાર સુધીમાં 247,926 દર્દીઓ નોંધાઇ ચૂક્યા હતા. રાજ્યમાં કોરોનાથી સાજા થવાનો દર 94.61 ટકા થયો છે.

 

જયારે ગુજરાતમાં આજે 47,995 ટેસ્ટ કરવામાં આવ્યા છે. જેથી અત્યાર સુધીમાં કુલ 98,58,695 ટેસ્ટ કરવામાં આવ્યા છે. જોકે પહેલા કરતા કોરોનાના ટેસ્ટની સંખ્યા ઘટાડી દેવામાં આવી છે. 

રાજ્યમાં 10 હજારથી ઓછા એક્ટિવ કેસ

રાજ્યના સ્વાસ્થ્ય વિભાગ દ્વારા જાહેર કરવામાં આવેલી માહિતી અનુસાર, રાજ્યમાં આજે 898 દર્દી સાજા થયાં અને અત્યાર સુધીમાં કુલ 2,34,558 દર્દીઓ સાજા થયાં હતા. તો હાલ 9047 એક્ટિવ કેસ છે. જેમાંથી 60 દર્દીઓ વેન્ટિલેટર પર છે.

ગુજરાતમાં ગઇકાલે 3 દર્દીના મોત

ગઇકાલે કોવિડ-19થી 3 દર્દીઓના મોત થવા પર રાજ્યમાં કોરોનાથી મૃત્યુ પામનારાઓની સંખ્યા વધીને 4321 થઇ ગઇ હતી. ગઇકાલે અમદાવાદમાં 2 અને સુરતમાં 1 આમ 24 કલાક દરમિયાન કુલ 3 લોકોના કોરોનાથી મોત થયા હત. ત્યારે છેલ્લા કેટલાક મહિનાઓથી સૌથી વધુ દર્દીઓના અમદાવાદમાં મૃત્યુ થઇ રહ્યા છે.