આજે ગાંધીનગર ખાતે મુખ્યમંત્રી વિજય રૂપાણીની અધ્યક્ષતામાં કેબિનેટની બેઠક મળશે. બેઠકમાં મગફળીની ખરીદીમાં ઉભી થયેલી સ્થિતિ અંગે ચર્ચા કરાશે. આ સાથે જ અછત-રાહતના વિશેષ જાહેર કરેલા પેકેજ તેમજ વાઈબ્રન્ટ ગુજરાતની તૈયારીઓ અંગે પણ ચર્ચા વિચારણા કરવામાં આવશે.
ઉલ્લેખનીય છે કે દરેક માસના બુધવારે ગુજરાત સરકાર અને કેન્દ્ર સરકારની એક કેબિનેટ બેઠકનું આયોજન કરવામાં આવતું હોય છે. જેના અધ્યક્ષ સ્થાને રાજ્યના મુખ્યમંત્રી અને કેન્દ્ર કક્ષાએ વડાપ્રધાન હોય છે. ત્યારે આજરોજ ગાંધીનગરના સ્વર્ણિમ સંકુલ ખાતે યોજાનાર રૂપાણી સરકારની કેબિનેટ બેઠકમાં વિવિધ મુદ્દે ચર્ચા કરવામાં આવશે.
આપને જણાવી દઇએ કે રાજ્યમાં ગતવર્ષની સરખામણીએ વરસાદ ઓછો પડવાને કારણે ઘણાં બધા પ્રદેશોમાં પાણીની અછત સાથે તંગી જોવા મળી છે. તો આ સાથે જ આગામી સમયગાળામાં વાઈબ્રન્ટ ગુજરાતની તૈયારીઓ અંગે પણ ખાસ ચર્ચા કરવામાં આવશે.