ગાંધીનગરમાં એક ડોક્ટરે મહિલા સાથે અમાનુષી કૃત્યુ કર્યાનું સામે આવ્યું રૂમાલ વેચતી મહિલાને ડોક્ટરે 40 ફૂટ ઢસડી
ગાંધીનગર સિવિલના ડોક્ટરનું અમાનુષી વર્તન
રૂમાલ વેચતી મહિલાને ડોક્ટરે 40 ફૂટ ઢસડી
મહિલાએ ડોક્ટર સામે નોંધાવી ફરિયાદ
ગુજરાતમાં મહિલા સુરક્ષાની મોટી મોટી વાત કરવામાં આવે છે. તેવા સમયમાં ગાંધીનગરમાં એક ડોક્ટરે મહિલા સાથે અમાનુષી કૃત્યુ કર્યાનું સામે આવ્યું છે. ગાંધીનગર સિવિલના ગેટ પાસે રૂમાલ વેચતી મહિલાને ગાંધીનગર ફરજ બજાવતા સિવિલના ડોક્ટર વિકી પારીખે મહિલાને રોડ પર ઢસડી હતી મહિલાને રોડ પર 40 ફૂટ સુધી ઢસડવામાં આવતા મહિલાને ઘાયલ થઈ હતી.
ગાંધીનગર સિવિલના ડોક્ટરનું અમાનુષી વર્તન
ગાંધીનગર સિવિલ હોસ્પિટલના ગેટ પાસે વેપાર કરતી મહિલા હાથ રૂમાલ સહિતના નાના કપડા લાવીને વેપાર કરી પોતાનું ગુજરાન ચલાવે છે. ત્યારે સિવિલના તબીબ દ્વારા મહિલા સાથે અમાનુષી વ્યવહાર કરી મહિલાનો સામે ફેંકી દેવામાં આવ્યો હતો એટલું જ નહીં ડોક્ટરે મહિલાને થેલા સાથે ઢસડી જતા મહિલાને ઈજા પણ પહોંચી હતી જો કે સમગ્ર મામલે મહિલાએ ડોક્ટર સામે ફરિયાદ નોંધાવી છે.
રૂમાલ વેચતી મહિલાને ડોક્ટરે 40 ફૂટ ઢસડી
ગાંધીનગરમાં સિવિલમાં ઓર્થોપેડિક વિભાગમાં હેડ તરીકે ફરજ બનાવતા ડૉ. વિકી પરીખે મહિલા સાથે અમાનવીય વર્તન કર્યું ભોગ બનનાર મહિલાએ પોતાની આપવીતી જણાવતા કહ્યું કે સિવિલના દરવાજે બેસીને વેપાર કરું છું. મારા પતિ અવસાન પામ્યા છે, કોઇ સંતાન નથી. શનિવારે સામાન્ય વરસાદ પડતો હોવાથી ગેટની બિલકુલ નીચે બેઠી હતી. ત્યારે ડોક્ટર વિકી પરીખ આવ્યા હતા અને ગાળો બોલતા મારો સામાનનો થેલો ફેંકી દીધો હતો બાદમાં મારો થેડો ઉપાડી ફેંકવા જઇ રહ્યા હતા. હું સામાનની સાથે ઢસેડાઇ રહી હતી, છતા તેમણે મારો થેલો છોડ્યો ન હતો અને 40 ફૂટ જેટલી મને ઢસેડી નાખી હતી.
મહિલાએ ડોક્ટર સામે નોંધાવી ફરિયાદ
રોડ પર સામાન વેચતી મહિલા સાથે આમાનુષી વર્તન કર્યું છે ત્યારે મહિલાએ પણ ડોક્ટચર સામે ફરિયાદ નોંધાવી છે પરતું ડૉ.વિકી પરીખના આવા વ્યવહારને લઇ અનેક સવાલો ઉઠી રહ્યા છે. ડૉ.વિકી પારીખને મહિલા સાથે આવું વર્તન શોભે છે ?. ડૉ.વિકી પારીખ મહિલાઓનું સન્માન નથી કરી શકતા તો આવી રીતે મહિલા સાથે વર્તવાનું ? ડોક્ટર મહિલાને સમજાવીને પણ તેઓ હટાવી શક્યા હોત ? મહિલાનું અપમાન કરનાર ડૉ. વિકી પારીખ સામે કેમ તંત્ર દ્વારા હજુ સુધી કોઈ કાર્યવાહી નથી કરાઈ તેને લઈને પણ અનેક સવાલો ઉઠી રહ્યા છે.