ઉજવણી / ગાંધીનગરની ચિલ્ડ્રન્સ યુનિવર્સિટી ખાતે યોજાયો 'પ્રકૃતિ વંદન' કાર્યક્રમ

• ચિલ્ડ્રન્સ યુનિવર્સિટીમાં  'પ્રકૃતિ વંદન' કાર્યક્રમ ઉજવાયો
• યુનિવર્સિટી પરિસરમાં કરાયું વૃક્ષારોપણ
• સર્વે સભ્યોએ સાથે બેસીને મોહનરાવજી ભાગવતનું ઓનલાઇન ઉદ્દબોધન સાંભળ્યું 

ઉલ્લેખનીય છે કે, કાર્યક્રમના ભાગરૂપે યુનિવર્સિટી પરિસરમાં માનનીય કુલપતિ અને રજીસ્ટ્રાર સહિત સમગ્ર સ્ટાફમિત્રોએ હાજર રહી એક એક વૃક્ષ યુનિવર્સિટી પરિસરમાં રોપ્યુ હતું. તથા આ વૃક્ષના ઉછેર અને માવજતથી પણ જવાબદારી પણ સંભાળી હતી.  

RSS સુપ્રીમો મોહનરાવજી ભાગવતનું ઓનલાઇન ઉદ્દબોધન યોજાયું

દત્તક લીધેલ આ  વૃક્ષની  જવાબદારી  લઈને પ્રકૃતિ વંદન કર્યા બાદ આ રાષ્ટ્રીય  કાર્યક્રમને ઓનલાઇનના માધ્યમથી  નિહાળવાનો લ્હાવો સર્વે સભ્યોએ સાથે બેસીને માણ્યો હતો. આ કાર્યક્રમના મુખ્ય  વક્તા તરીકે RSS સુપ્રીમો મોહનરાવજી ભાગવતનું ઓનલાઇન ઉદ્દબોધન ચિલ્ડ્રન્સ યુનિવર્સિટીના કુલપતિ અને રજિસ્ટ્રાર સહિત સમગ્ર શૈક્ષણિક અને બિનશૈક્ષણિક સ્ટાફે સાથે બેસી સાંભળ્યું હતુ. 

કામધેનુ યુનિવર્સિટીના પૂર્વ કુલપતિ પ્રવીણભાઈ વાટલીયા રહ્યા હાજર

સોનામાં સુગંધ ભળે તેમ ભારતના માનનીય વડાપ્રધાન નરેન્દ્રભાઈ મોદીનું વક્તવ્ય 'મન કી બાત' પણ રજૂ થતા સમગ્ર સ્ટાફે આજ બેઠકમાં તેમના વિચારોને સાંભળી તેના અમલીકરણ અંગે મનોમંથન કર્યું હતું. આ કાર્યક્રમમાં કામધેનુ યુનિવર્સિટીના પૂર્વ કુલપતિ પ્રવીણભાઈ વાટલીયા પણ ઉપસ્થિત રહ્યા હતા. 

કાર્યક્રમના અંતે માનનીય કુલપતિ હર્ષદભાઈ શાહે મોહનરાવજી ભાગવત અને નરેન્દ્રભાઈ મોદીના વિચારોને વાસ્તવિક જીવનમાં અમલીકરણ માટે સમગ્ર સ્ટાફને પ્રોત્સાહન રૂપ વક્તવ્ય આપ્યું હતું. સમાજકાર્ય વિભાગના અધ્યક્ષ રીનાબેન રાઓલે કાર્યક્રમની સફળતા માટે સૌનો આભાર વ્યક્ત કર્યો હતો.