ગુજરાતમાં એક તરફ કોરોના મહામારીનો કહેર યથાવત જોવા મળી રહ્યો છે ત્યારે આગામી વિધાનસભાની પેટાચૂંટણીનું બ્યૂગલ વાગી જતાં હવે રાજકીય ગરમાવો પણ વધી રહ્યો છે. પેટાચૂંટણીને લઇને સત્તાધારી ભાજપ અને કોંગ્રેસ વચ્ચે ઉમેદવારોની પસંદગી તેમજ તૈયારીઓને કવાયત તેજ જોવા મળી રહી છે. ત્યારે આજે કોરોના સંકટ, પેટાચૂંટણીની જોરશોર તૈયારી, અતિવૃષ્ટિથી રાજ્યમાં પાકને નુકસાન, અનલોક-5ની ગાઇડલાઇ, સ્કૂલો-વાલી મંડળ વચ્ચે ચાલી રહેલી ફીને લઇને ચાલી રહે ખેંચતાણ જેવા મહત્વપૂર્વણ મુદ્દાઓ વચ્ચે રાજ્ય સરકારની કેબિનેટ બેઠક યોજાશે.
આજે રાજ્ય સરકારની કેબિનેટ બેઠક મળશે
કેબિનેટની બેઠકમાં મહત્વના મુદ્દાઓ પર ચર્ચા કરાશે
વિધાનસભાની પેટાચૂંટણી જાહેર થાય બાદ આજે રાજ્ય સરકારની કેબિનેટ બેઠક મળશે. કેબિનેટની બેઠકમાં મહત્વના મુદ્દાઓ પર ચર્ચા કરવામાં આવશે. આ કેબિનેટ બેઠકમાં સ્કૂલ ફીમાં રાહત મુદ્દે ચર્ચા થઇ શકે છે.
બીજી તરફ ભારે વરસાદના પગલે રાજ્યમાં અતિવૃષ્ટિથી પાક નુકસાની સરવે મુદ્દે ચર્ચા થઇ શકે છે. રાજ્યમાં જાહેર થયેલી પેટાચૂંટણીના આયોજન મુદ્દે કેબિનેટ બેઠકમાં ચર્ચા થઇ શકે છે.
આ સાથે રાજ્યમાં કોરોના વાયરસની મહામારીનો કહેર યથાવત જોવા મળી રહ્યો છે, ત્યારે કોરોનાની સ્થિતિ મુદ્દે ચર્ચા કરવામાં આવશે. આ કેસ વધતા નવી કોવિડ હોસ્પિટલ મુદ્દે નિર્ણય લેવાઇ શકે છે. સૌથી મહત્વનો અને અગત્યનો મુદ્દો અનલોક-5ની ગાઇડલાઇન મુદ્દે ચર્ચા થઇ શકે છે.
રાજ્યમાં ચૂંટણી પંચ દ્વારા વિધાનસભાની પેટાચૂંટણીની તારીખો જાહેર કરી દેવામાં આવી છે. ત્યારે સત્તાધારી પક્ષ ભાજપ આ બેઠકો જીતવા માટે કમર કસી રહ્યું છે, ત્યારે કોંગ્રેસ પણ બેઠકો જીતવા એડીચોટીનું જોર લગાવી રહ્યું છે.