ગુજરાત ભાજપના નવા પ્રદેશ પ્રમુખ તરીકે સી આર પાટીલે કાર્યભાર સંભાળી લીધો છે. આ સમયે મુખ્યમંત્રી વિજય રૂપાણી, ડે. સીએમ નીતિન પટેલ ઉપસ્થિત રહ્યાં. ભાજપના પૂર્વ પ્રમુખ જીતુ વાઘાણીએ ચાર્જ સોંપ્યો. પ્રદેશ પ્રમુખનો ચાર્જ સંભાળતા જ પાટીલે પેટાચૂંટણીમાં તમામ બેઠકો પર જીત હાસિલ કરવાનો નિર્ધાર વ્યક્ત કર્યો
સી.આર.પાટીલે ભાજપના પ્રદેશ પ્રમુખ પદનો ચાર્જ સંભાળ્યો છે. સીએમ રૂપાણી, ડેપ્યુટી સીએમ નીતિન પટેલની ઉપસ્થિતિમાં સી.આર.પાટીલે ભાજપ પ્રદેશ પ્રમુખ પદનો ચાર્જ સંભાળ્યો છે. પૂર્વ પ્રમુખ જીતુ વાઘાણીએ સી.આર.પાટીલને ખેસ પહેરાવ્યો.
આ દરમિયાન સર્કિટહાઉસ ખાતે કાર્યકર્તાઓનો જમાવડો જોવા મળ્યો. સાંસદ મોહન કુંડારિયા, મિતેષ પટેલ, બનાસકાંઠા સાંસદ પરબત પટેલ, મંત્રી ઈશ્વર પરમાર, ગણપત વસાવા અને રાજ્યસભાના સાંસદ જુગલ ઠાકોર પણ હાજર રહ્યાં. ત્યારે ભાજપ પ્રદેશ પ્રમુખ પદભાર સંભાળવાની સાથે સી.આર.પાટીલ સામે પડકારો પણ ઘણા છે.
સી.આર. પાટીલને નેતૃત્વ કેમ?
2001-03માં અનેક પડકાર વચ્ચે પણ નરેન્દ્ર મોદીની સાથે રહ્યા
જ્ઞાતિગત સમીકરણમાંથી બહાર નીકળી નવી રાજકીય શરૂઆત કરવાની નીતિ
રાજનીતિમાં ટેકનોલોજીનો ભરપૂર ઉપયોગ કરવાની આધૂનિક નીતિ
પડકાર ઝીલવાની સી.આર. પાટીલ ધરાવે છે ક્ષમતા
પાટીલ અનેકવાર આપી ચૂક્યા છે રાજકીય આયોજનશક્તિનો પરચો
દક્ષિણ ગુજરાતમાં લાંબા સમયથી રાજકીય અન્યાય થતો હોવાની લાગણી દૂર કરવા પ્રયાસ
2014 અને 19ની લોકસભાની ચૂંટણીમાં અદભૂત કાર્ય
વારાણસીમાં સી.આર. પાટીલને સોંપેલી જવાબદારી પર ખરા ઉતર્યા
નવસારીના સાંસદ હોવા છતા દક્ષિણ ગુજરાતની જવાબદારી ઉઠાવતા રહ્યા
પાટીલ સામે કેવા છે પડકાર?
વિધાનસભાની ખાલી પડેલી 8 બેઠક જીતાડવી
સંભવિદ ઉમેદવારની પસંદગીની પ્રક્રિયા
પેટાચૂંટણી જીતાડવા સુધીનો પડકાર
દક્ષિણ ગુજરાત, સૌરાષ્ટ્રના નેતાનો સાથ-સહકાર મેળવવો
તાલુકા પંચાયતની ચૂંટણીઓ જીતાડવી
ભાજપના આંતરિક જૂથને એક સાથે લઈને ચાલવું
ભાજપ પ્રદેશ પ્રમુખ સી.આર.પાટીલના પત્નીનુ નિવેદન
સી.આર.પાટીલની પ્રદેશ ભાજપ પ્રમુખ પદે નિયુક્તી કરવામાં આવી છે. ભાજપ પ્રદેશ પ્રમુખ સી.આર.પાટીલના પત્ની ગંગા પાટીલે કહ્યું કે ભાજપમાં સૌથી વધારે મતો મળ્યા હતા. ભાજપને હવે વધુ મજબૂત કરવાનો પ્રયત્ન થશે. ભાજપ હવે વધુ પ્રબળ બનશે.