Election 2019: કમલમ ખાતે યોજાઇ ભાજપની બેઠક લોકસભા મુદ્દે કરાયું મહામંથન

ગાંધીનગરમાં કમલમમાં ભાજપ પ્રદેશ હોદ્દેદારોની બેઠક યોજાઈ હતી. આ બેઠક બાદ ભાજપ પ્રવક્તા આઈ.કે.જાડેજાએ નિવેદન આપ્યુ છે કે આગામી દિવસોના કાર્યક્રમ બાબતે બેઠકમાં ચર્ચા થઈ છે. નગરપાલિકાના સભ્યોનો અભ્યાસવર્ગ સફળરીતે પૂર્ણ થયો છે.

આગામી દિવસોમાં જિલ્લા તાલુકાના પંચાયતના સભ્યોને પણ અભ્યાસવર્ગ યોજાશે. ત્યારબાદ અન્ય કાર્યકરોને લોકસભા વિધાનસભા કક્ષાએ મોકલાશે. આ સાથે જ તેમણે જણાવ્યું કે ભાજપ દ્વારા વિસ્તાર યોજનાનું આયોજન લોકસભા માટે હાથ ધરવામાં આવ્યુ છે.

આપને જણાવી દઇએ કે લોકસભાની ચૂંટણીના પડઘમ વાગી રહ્યા છે અને નજીકના જ ભવિષ્યમાં ચૂંટણી આવનારી છે. ભાજપે અગાઉથી જ તૈયારીઓ આરંભી છે જેના ભાગરૂપે આજરોજ એક ખાસ બેઠકનું આયોજન ગાંધીનગર ખાતે કરવામાં આવ્યું હતું. આ બેઠકમાં 2019 માટેની પૂર્વ તૈયારીઓ અંગે ખાસ ચર્ચા કરવામાં આવી હતી. 

ગુજરાતના ભાજપના પ્રદેશ અધ્યક્ષ જીતુ વાઘાણીના અધ્યક્ષ સ્થાને મળેલી આ બેઠકમાં પ્રદેશ હોદ્દેદારો જિલ્લા પ્રભારીઓ સહિતના આગેવાનોને ખાસ હાજર રહ્યા હતા અને આગામી ચૂંટણી અંગેની રણનીતિ મુદ્દે ચર્ચા કરી હતી.