રણશિંગું / ગાંધીનગરમાં મહા આંદોલનના મંડાણ,શિક્ષકોના 72 સંગઠનોની શું છે માગ? સમજો એકદમ સરળ શબ્દોમાં

• ગુજરાત રાજ્ય સયુંકત કર્મચારી મોરચાનો વિરોધ
• 72 સંગઠનો વિરોધ કાર્યક્રમમાં જોડાયા
• વિવિધ 5 માગને લઇ વિરોધ

ગુજરાત રાજ્ય સંયુક્ત કર્મચારી મોરચા દ્વારા ગાંધીનગર સત્યાગ્રહ છાવણી ખાતે વિરોધ નોંધાવવામાં આવ્યો હતો. કર્મચારીઓના વિરકોધ પ્રદર્શનમાં 50 જેટલા દિગ્યાંગ કર્મચારીઓ પણ જોડાયા હતા. કર્મચારીઓ દ્વારા અગાઉ 2 વખત આવેદનપત્ર પાઠવવામાં આવ્યું હતું. આમ છતાં માગ સંતોષાતા નહીં કર્મચારીઓ દ્વારા વિરોધ કરવામાં આવ્યો હતો. વિવિધ 5 માગો સાથે કર્મચારીઓ દ્વારા વિરોધ કરવામાં આવી રહ્યો છે.

શું છે સમગ્ર વિવાદ? 

આજથી આશરે 2 વર્ષ પહેલાં 4200 ગ્રેડ પે નો મુદ્દો રાજ્યભરના શિક્ષકોએ ઉપાડ્યો હતો અને સરકારે અખરે શિક્ષકોના વિરોધ સામે નમતું જોખી 4200 ગ્રેડ પે શિક્ષકોને આપવાની જાહેરાત કરવી પડી હતી. આખા મામલે ગુજરાતભરના શિક્ષકોએ સરકારનો આભાર માન્યો હતો બધું શાંત થઈ ગયું. તો પછી હવે ફરીથી 4200 ગ્રેડ પે મામલે શિક્ષકો આંદોલન કરી રહ્યા તે આખો વિવાદ શું છે અને 4200 ગ્રેડ પે માંગનાર શિક્ષકો કોણ છે...? આવો જાણીએ આખો વિવાદ

ગુજરાતની સરકારી પ્રાથમિક શાળાઓમાં નોકરી કરતા શિક્ષકોનો 2800 ગ્રેડ પે હતો અને 9 વર્ષ પૂર્ણ થાય ત્યારબાદ 4200 ગ્રેડ પે આપવાની મંગણી હતી તે અંદલોન બાદ સરકારે માંગણી સ્વીકારી અને જિલ્લા પંચાયત હસ્તકની તમામ સરકારી શાળાના શિક્ષકોને 4200 ગ્રેડ પેનો અમલ કરી આપવામાં આવ્યો. પરંતુ નગરપાલિકા અને મહાનગરપાલિકાની સ્કૂલોના શિક્ષકોને 4200 ગ્રેડ પે થી વંચિત રાખવામાં આવ્યા હતા જેથી મહાનગરપાલિકા અને નગરપાલિકાના શિક્ષકોએ ગ્રેડ પે ની હવે માંગ ઉઠાવી છે.

4200 ગ્રેડ પે વખતે લોકલ ફંડ કચેરી દ્વારા 4200 ગ્રેડ પે આપતી વખતે કહ્યું કે જે સ્કૂલોમાં કેળવણી નિરીક્ષકની પોસ્ટ હોય તેમને જ 4200 ગ્રેડ પે મળવા પાત્ર છે અને નગરપાલિકા અને મહાનગરપાલિકામાં કેળવણી નિરીક્ષકની જગ્યાએ સુપરવાઈઝર શબ્દ હોવાથી તેમને 4200 ગ્રેડ પેથી વંચિત રાખવામાં આવ્યા હતા..

કર્મચારીની માગ શું? 

• ગુજરાત રાજ્ય સયુંકત કર્મચારી મોરચાની 5 મુખ્ય માગો છે
• જૂની પેશન યોજના લાગુ કરવી
• તાત્કાલિક અસરથી ફિક્સ પગાર નાબૂદ કરવો
• કર્મચારીઓને 7માં પગારપંચનો લાભ આપવો
• તમામ કર્મચારીઓની સળંગ નોકરી ગણવી
• નગરપાલિકા અને મનપા હસ્તકની સ્કૂલના શિક્ષકોને 4200 ગ્રેડ પે આપવો

સરકાર સામે ક્યા સંગઠનો?  

• ગુજરાત રાજ્ય પ્રાથમિક શિક્ષક સંઘ
• ગુજરાત રાજ્ય પંચાયત કર્મચારી મહાસંઘ
• ગુજરાત સચિવાલય ફેડરેશન
• ઉચ્ચ શિક્ષણ અને કમિશનર કચેરીના વર્ગ-3 કર્મચારી મંડળ
• ગુજરાત રાજ્ય સૈશિક સંઘના 4 મંડળ
• ગુજરાત રાજ્ય જાહેર સેવા આયોગ
• ગુજરાત રાજ્ય હિસાબી સેવા કર્મચારી મંડળ
• સ્ટેટ GST યુનિયન
• ગુજરાત રાજ્ય નગર પ્રાથમિક શિક્ષક સંઘ
• ગુજરાત રાજ્ય મહેસૂલી કર્મચારી મંડળ
• ગુજરાત રાજ્ય અધ્યાપક મંડળ
• ગુજરાત સંસ્કૃત શિક્ષક મંડળ
• ગુજરાત રાજ્ય પ્રાથમિક શિક્ષક ઉકર્ષ મંડળ
• ગુજરાત કલા મહાવિદ્યાલય આચાર્ય મંડળ
• ગુજરાત રાજ્ય આરોગ્ય મહાસંઘ
• પંચાયત તલાટી મંડળ