ગાંધીનગર: ખુબ ચર્ચીત લોકરક્ષક ભરતી પેપર લીક થવા મામલે હવે ત્રણ લોકોની ધરપકડ કરવામાં આવી છે. તો અન્ય બે શખ્સો વિરૂદ્ધ ફરિયાદ નોંધાઈ છે. પેપરકાંડમાં હજુ પણ મોટા માથાઓના નામ ખુલવાની પુરેપુરી શક્યતાઓ દેખાઈ રહી છે.
આ કૌભાંડમાં મુખ્યસુત્રધાર યશપાલ સિંહ સોલંકી હોવાના અહેવાલ સામે આવ્યા છે. દિલ્હીના સંપર્ક સૂત્રોપાસેથી જવાબવહી યશપાલ સોંલકી 2 ડિસેમ્બર પહેલા લાવવાનો હતો. અને 1 ડીસેમ્બરની રાતે 9 કલાકે તે દિલ્હીથી વડોદરા આવ્યો હતો.
લોકરક્ષક ભરતી #પેપર_લીક થવાનો મામલો
પોલીસ તંત્રના એક PSIની સામેલગીરી બહાર આવી
પી વી પટેલ નામના PSIની ધરપકડ
સમગ્ર પેપર લીક મામલે મોટા માથાઓની સંડોવણી
આરોપી 5 પરીક્ષાર્થીઓને પોલીસે ધરપકડ કરીઃ સૂત્ર
મુકેશ ચૌધરી મનહાર પટેલની ધરપકડ@GujaratPolice@CMOGujpic.twitter.com/zrHDZ43vEt
જે બાદ શ્રી રામ હોસ્ટેલની રેક્ટર પાસે સવાલોની જવાબવાહી સીધી પહોંચી હતી.જ્યાં રૂપેશ શર્માને જયેશ નામના વ્યક્તિએ આન્સર સીટ આપી હતી. મહત્વનું છે કે 2 ડિસેમ્બરે બપોરે 3 કલાકે લોકરક્ષક ભરતીની પરીક્ષા યોજાવાની હતી.
તેથી 2 ડિસેમ્બરે સવારે જ આ આન્સર કીટ આપવામાં આવી હતી. આ આન્સરસીટ ગાંધીનગરના પી.એસ.આઈ પી.વી પટેલ અને મુકેશ ચૌધરીએ મંગાવી હતી. તો જયેશ નામના વધુ એક શખ્સે બાયડના મનહર પટેલની સુચનાથી જવાબવહી પહોંચાડી હતી.
આમ યથપાલ સોંલકીના નેજા હેઠળ જવાબવાહી જિલ્લા વાઈસ પહોંચી હતી.. અને એક ઉમેદવાર દીઠ રૂપિયા 5 લાખમાં સોદો થવાનો હતો. હાલ પોલીસે ગાંધીનગરમાં વાયરલેસના પી.એસ.આઈ પી.વી પટેલ તથા મનહર પટેલ અને મુકેશ ચૌધરીની ધરપકડ કરી છે તો . રૂપલ શર્મા અને યશપાલ સોલંકી વિરૂદ્ધ ફરિયાદ નોંધી તેમની ભાડ મેળવવા તપાસના ચક્રોગતિમાન કર્યા છે.