કોંગ્રેસ ગુજરાતમાં 15 દિવસમાં કુલ 25 મેગા રેલીઓ કરશે સાથે જ કોંગ્રેસના પૂર્વ અધ્યક્ષ સોનિયા ગાંધી અને રાહુલ ગાંધી પણ ગુજરાત ચૂંટણીમાં પ્રચાર કરવા આવશે.
કોંગ્રેસ ગુજરાતમાં 15 દિવસમાં કુલ 25 મેગા રેલીઓ કરશે
સોનિયા ગાંધી અને રાહુલ ગાંધી પણ ગુજરાત ચૂંટણીમાં પ્રચાર કરવા આવશે
2017માં પણ રાહુલ ગાંધીએ ગુજરાતમાં આક્રમક ચૂંટણી પ્રચારનું નેતૃત્વ કર્યું હતું
હિમાચલ પ્રદેશમાં વિધાનસભાની ચૂંટણી પૂરી થયા પછી કોંગ્રેસે પોતાનું સંપૂર્ણ ધ્યાન મિશન ગુજરાત પર કેન્દ્રિત કર્યું છે, જણાવી દઈએ કે મિશન ગુજરાત હેઠળ કોંગ્રેસ 15 દિવસમાં કુલ 25 મેગા રેલીઓ કરશે જેમાં ગુજરાતના 125 વિધાનસભા ક્ષેત્રોને આવરી લેવામાં આવશે.કોંગ્રેસની આ રેલીઓ આક્રમક ચૂંટણી વ્યૂહરચના હેઠળ થશે અને તેમાં પાર્ટીના દરેક મોટા નેતા પણ ભાગ લેશે.
એક કોંગ્રેસ નેતાના જણાવ્યા મુજબ કોંગ્રેસના પૂર્વ અધ્યક્ષ સોનિયા ગાંધી અને રાહુલ ગાંધી પણ ગુજરાત ચૂંટણીમાં પ્રચાર કરવા આવશે.રાહુલ ગાંધી વિશે વાત કરી તો આ દિવસોમાં તેઓ ભારત જોડો યાત્રા માટે મહારાષ્ટ્રમાં છે. એટલા માટે જ તેઓ હિમાચલ પ્રદેશની ચૂંટણીમાં પ્રચાર કરવા પણ નહતા ગયા. જો કે હાલ એવી ચર્ચા એ જોર પકડ્યો છે કે રાહુલ ગાંધી ગુજરાતમાં ચુંટણી પ્રચાર માટે આવી શકે છે.
જો કે પાર્ટીના સૂત્રોના જણાવ્યા મુજબ કોંગ્રેસ અધ્યક્ષ મલ્લિકાર્જુન ખડગે, બંને મુખ્યમંત્રી અશોક ગેહલોત અને ભૂપેશ બઘેલ સહિત કોંગ્રેસ મહાસચિવ પ્રિયંકા ગાંધી ઉપરાંત પાર્ટીના પૂર્વ મુખ્યમંત્રીઓ અને લઘુમતી વર્ગના મોટા નેતાઓ પણ આવનાર દિવસોમાં ગુજરાતમાં આક્રમક ચૂંટણી વ્યૂહરચના હેઠળ રેલીઓ અને પ્રચાર કરશે. જણાવી દઈએ કે 2017ની વિધાનસભા ચૂંટણીમાં પણ રાહુલ ગાંધીએ ગુજરાતમાં આક્રમક ચૂંટણી પ્રચારનું નેતૃત્વ કર્યું હતું અને તેને કારણે જ કોંગ્રેસે ભાજપને ડબલ ડિજિટ (99 બેઠકો) પર લાવીને છેલ્લા ત્રણ દાયકાનું કોંગ્રેસનું સર્વશ્રેષ્ઠ પ્રદર્શન કર્યું હતું અને આ વખતે પણ કોંગ્રેસ આવા જ ચુંટણી પ્રચારની તૈયારી કરી રહી છે.
જો કે આ વખતે ગુજરાત વિધાનસભાની ચૂંટણીમાં કોંગ્રેસે બૂથ મેનેજમેન્ટ પર વધુ ભરોસો રાખીને પોતાની રણનીતિ બદલી છે. રાહુલ ગાંધીએ ફેબ્રુઆરી 2022માં દ્વારકામાં રાજ્ય કક્ષાના ચિંતન શિબિરમાં પાર્ટીના ચૂંટણી પ્રચાર અભિયાનની શરૂઆત કરી હતી અને એ પછી પાર્ટીએ ગુજરાત વિધાનસભાની ચૂંટણી માટે "મૌન અભિયાન" યોજના પણ લાગુ કરી હતી. આ સિવાય કોંગ્રેસે આ વખતે મોટા પાયે ઘર-ઘર પ્રચાર અભિયાન પર ધ્યાન કેન્દ્રિત કરવાનો વવિકપલ પસંદ કર્યો છે.
જણાવી દઈએ કે ગુજરાત વિધાનસભાની ચૂંટણી બે તબક્કામાં (1 ડિસેમ્બર અને 5 ડિસેમ્બર) યોજાશે અને આ ચૂંટણીના પરિણામો 8 ડિસેમ્બરે જાહેર થશે. સાથે જ ભાજપ અને કોંગ્રેસ સાથે આમ આદમી પાર્ટીની એન્ટ્રી થતાં ગુજરાતમાં આ વખતે ચૂંટણી જંગ ત્રિકોણીય બની છે એવું દેખાઈ રહ્યું છે.