સુરક્ષા વ્યવસ્થામાં હાલમાં જ બદલાવ બાદ ગાંધી પરિવારને 10 વર્ષ જુની ટાટા સફારી અને પોલીસ સુરક્ષા આપવામાં આવી છે. મંગળવારે સંસદમાં કોંગ્રેસે આ મામલો ઉઠાવ્યો અને પીએમ મોદીને સુરક્ષા વ્યવસ્થામાં કરવામાં આવેલા બદલાવ પર જવાબ માંગ્યો.
આ મહીનાની શરૂઆતમાં ગાંધી પરિવારથી SPG કવરને હટાવી દેવાઇ હતી
ગાંધી પરિવારને 10 વર્ષ જુની ટાટા સફારી અને પોલીસ સુરક્ષા આપવામાં આવી
કોંગ્રેસે પીએમ મોદી પાસે સુરક્ષા વ્યવસ્થામાં કરાયેલા બદલાવ પર જવાબ માંગ્યો
નોંધનીય છે કે, આ મહીનાની શરૂઆતમાં જ ગાંધી પરિવારથી સ્પેશિયલ પ્રોટેક્શન ગ્રુપ (SPG) કવરને હટાવી દેવાઇ હતી. અને તેમને ઝેડ-પ્લસ સિક્યોરિટી આપવામાં આવી હતી. ઝેડ-પ્લસ સિક્યોરિટી (Z-Plus Security) હેઠળ 100 સુરક્ષા કર્મી સુરક્ષાની જવાબદારી સંભાળે છે.
1991માં શ્રીલંકાના આંતકવાદી સમૂહએ પૂર્વ વડાપ્રધાન રાજીવ ગાંધીની હત્યા કરી દેવાઇ હતી. ત્યારબાદથી ગાંધી પરિવારને કડક સુરક્ષા આપવામાં આવી રહી હતી. પરંતુ વર્તમાન સરકારના સૂત્રોની ધારણા મુજબ, ગાંધી પરિવારને હવે ઓછો ખતરો છે. અને આ કારણે તેમની સુરક્ષાને પહેલાથી ઓછી કરી દેવાઇ છે.
ઝેડ -પ્લસથી કેમ અલગ છે SPG
SPGમાં કુલ 3000 જવાન છે. આ ન માત્ર કમાન્ડો સુરક્ષા આપે છે પરંતુ તેમા વર્દીમાં એજન્ટ પણ હોય છે. જે તેમની જગ્યાઓની રેકી કરે છે, જ્યાં તેમની સુરક્ષામાં રહેતી વ્યક્તિને જવાનું હોય છે. તેની સાથે જ કમાન્ડોઝ એ વ્યક્તિના ઘરે પણ તહેનાત રહે છે અને જ્યારે પણ ક્યાં બહાર જાય છે તો તેમની સાથે જ જાય છે.
હવે ઝેડ પ્લસ સિક્યોરીટીમાં દિલ્હી પોલીસને સોનિયા ગાંધી અને રાહુલ ગાંધીની સુરક્ષા સોંપવામાં આવી છે. સાથે જ ગાંધી પરિવારને સ્પેશિયલ બુલેટ પ્રુફ ગાડીઓની જગ્યાએ 9 વર્ષ જૂની એટલે કે 2010ની ટાટા સફારી આપવામાં આવી છે. આ પહેલા સોનિયા ગાંધી અને પ્રિયંકા ગાંધી રેન્જ રોવર ગાડીઓનો ઉપયોગ કરતી હતી જે કોઇ પ્રકારના ધમાકાઓથી બચાવામાં સક્ષમ રહેતી હતી. જ્યારે રાહુલ ગાંધી ફોર્ચ્યૂનર કારનો ઉપયોગ કરતા હતા.