દુનિયાભરમાં ફેમસ સિરીઝ 'ગેમ ઓફ થ્રોન્સ'ના એક્ટર કીટ હૈરિંગટને પોતાની કો-સ્ટાર રોઝ લેસલી સાથે લગ્ન કરી લીધા છે. આ બંન્ને સ્ટારે શનિવારે લગ્ન કરી લીધા છે. ખબરોની માનીએ તો હૈરિંગટન અને લેસલી વર્ષ 2012થી એક-બીજાને ડેટ કરી રહ્યા હતા. એક શો દરમ્યાન તેમની પહેલી મુલાકાત થઈ હતી.
આ શો માં બંન્નેએ ઓન સ્ક્રીન પ્રેમી જોડા 'જોન સ્નો' અને 'યગ્રીટ'ની ભૂમિકા ભજવી હતી. હૈરિંગટન-લેસલીએ પોતાના લગ્ન સ્કોટલેન્ડના એબર્ડીનમાં કર્યા. તેમના લગ્નના ખાસ અવસરે 'ગેમ ઓફ થ્રોન્સ' ના સ્ટાર્સ સહીત હોલીવુડના ઘણા સીતારાઓ નજરે પડ્યા હતા. કહેવાય છે કે હૈરિંગટન- લેસલી લગ્ન પર મહેમાનો ઉપરાંત કેટલાક ફેન્સ પણ લગ્ન પર કિટ હૈરિંગટના ઘરની બહાર જોવા મળ્યા હતા.
જણાવી દઈએ કે ગયા વર્ષે તેમની સગાઈની જાહેરાત કરવામાં આવી હતી. એક ખબર પ્રમાણે બંન્નેના લગ્નનું આયોજન અબેર્ડીનશાયરના વાર્ડીહિલ કેશલમાં કરવામાં આવ્યુ હતુ. જ્યાં લેસલીનો પરિવાર છેલ્લા 900 વર્ષથી વસ્યો છે.