હાઇપ્રોફાઇલ કેસ / અમદાવાદમાં 6 મોટા નામચીન બિલ્ડર્સ જુગાર રમતા ઝડપાયા, પોલીસે દબાણમાં 1 કલાકમાં કેસ પતાવી દીધો!

• નિકોલ ડી-માર્ટ પાસે જીનલ બંગ્લોઝમાં ચાલતુ હતું જુગારધામ
• 6 બિલ્ડર્સ જુગાર રમતા ઝડપાયા હતા
• ઝડપાયેલા જુગારીઓનો ગણતરીના કલાકોમાં જામીન

અમદાવાદમાં લૉકડાઉન દરમિયાન અનેક જુગારધામ ઝડપાયા છે અને પોલીસ દ્વારા કાર્યવાહી પણ કરવામાં આવી છે. પરંતુ અમદાવાદના નિકોલમાંથી ઝડપાયેલા બિલ્ડર્સના જુગારધામના મામલાને ઢાંકવાનો પ્રયાસ કરવામાં આવી રહ્યો હોવાનું સામે આવી રહ્યું છે. ડી-માર્ટ નજીક આવેલ જીનલ બંગ્લોઝમાં બિલ્ડર મુકેશ પટેલના ઘરે 6 નામચીન બિલ્ડર્સ સાંજના સમયે જુગાર રમતા હતા જેને બાતમીના આધારે પોલીસે ઝડપી લીધા હતા. પોલીસે જુગારીઓ પાસેથી રોકડ, કાર, મોબાઇલ જપ્ત કર્યા છે. જોકે હાલ નિકોલ પોલીસે શરૂઆતમાં ભીનુ સંકેલવાનો પ્રયાસ કર્યો હતો.

ઝડપાયેલા જુગારીઓનો ગણતરીના કલાકોમાં જામીન અપાયા છે. સાથોસાથ મીડિયાથી માહિતી છુપાવવાનો પોલીસે પ્રયાસ કર્યો હતો. આ હાઇપ્રોફાઇલ કેસ હોવાથી પોલીસની ઢીલી કામગીરી જણાઇ રહી છે. નિકોલ પોલીસની કામગીરી પર સવાલો ઉઠ્યા છે. સમગ્ર કેસ PI એચ.બી.ઝાલા સંભાળી રહ્યા હતા. નિકોલ પોલીસે હાઇપ્રોફાઇલ કેસમાં સેટલમેન્ટની કર્યાની ચર્ચા થઇ રહી છે.

આરોપીઓના નામ 

1. મુકેશ પટેલ 
2. જયસુખ પટેલ 
3. અશોક પટેલ 
4. ધનશ્યામ પટેલ 
5. પંકજ પટેલ 
6. મનસુખ પટેલ

નિકોલ પોલીસની કામગીરી પર ઉઠ્યા સવાલો

ત્યારે અનેક સવાલો થઇ રહ્યા છે કે, જુગારમાં કલાકોમાં કેમ મળી ગયા જામીન? જુગારીઓ સાથે પોલીસે સેટિંગ કર્યુ? મીડિયાથી માહિતી છુપાવવા પાછળ ઇરાદો શું હતો? હાઇપ્રોફાઇલ કેસથી પોલીસના હાથ બંધાયા? શું પોલીસે આ કેસમાં વહીવટ કર્યો?