અમદાવાદ / બોડકદેવનાં ઈન્દ્રપ્રસ્થ ટાવરમાંથી જુગારધામ પકડાયું, પીસીબીની રેડમાં 9 જુગારીઓ પકડાયા

• બોડકદેવમાં પીસીબીએ જુગારધામ પર બાતમીના આધારે રેડ પાડી
• રેડમાં 12 મોબાઈલ સહિત 3 ગાડીઓ જપ્ત કરાઈ
• અંકિત પટેલ નામનો વ્યક્તિ ભાડે ફ્લેટ રાખી જુગારધામ ચલાવતો હતો

 જુગારધામ પર પીસીબીની રેડ

અમદાવાદ વિસ્તારમાં ધમધમતાં દારુ- જુગારનાં અડ્ડા પર બંધ કરવા ડીજી શિવાનંદ ઝા દ્વારા અનેક વાર સુચનાં આપવા છતાં શહેરમાં અનેક જગ્યાએ દારુ અને જુગારનાં અડ્ડા કાર્યરત છે. અનેક સૂચના છતાં સ્થાનિક પોલીસ તેને બંધ કરાવતી નથી અથવા તે બંધ કરાવવામાં નિષ્ફળ રહે છે. જેને પગલે પીસીબી દ્વારા અનેક વાર રેડ પાડવામાં આવતી હોય છે. આ વખતે બોડકદેવ વિસ્તારમાં રેડ પાડવામાં આવી હતી. 

કેટલાય સમયથી ચાલતું હતું જુગારધામ

અમદાવાદનાં બોડકદેવ વિસ્તારમાં આવેલા ઈન્દ્રપ્રસ્થ ટાવરમાં રેડ પાડી હતી.  પીસીબીને આ જગ્યાએ જુગાર રમાતો હોવાની બાતમી મળી હતી. જેને પગલે પીસીબીની ટીમે રેડ પાડી હતી. રેડ દરમિયાન 9 લોકો જુગાર રમતા પકડાયા હતાં. આ સાથે 12 મોબાઈલ 3 ફોરવ્હિલર સાથે જુગાર રમવાની ચિપ્સ મળી આવી હતી. છેલ્લાં કેટલાય સમયથી અંકિત પટેલ નામનો વ્યક્તિ ઈન્દ્રપ્રસ્થ ટાવરમાં ફ્લેટ ભાડે રાખી જુગાર રમાડતો હતો. સ્થાનિક પોલીસે ગુનો નોંધી તપાસ હાથ ધરી છે.