લદ્દાખની ગલવાન ઘાટીમાં 20 સૈનિકોની શહાદત બાદ ચીનની વિરુદ્ધમાં દેશભરના લોકોમાં ખૂબ જ ગુસ્સો જોવા મળી રહ્યો છે. અનેક જગ્યાએ લોકો ચીનના સામાનના બહિષ્કારની વાત કરી રહ્યા છે. આ સમયે મહારાષ્ટ્ર સરકારે ચીનને મોટો ઝટકો આપ્યો છે. રાજ્ય સરકારે કેન્દ્ર સાથે વાતચીત બાદ ચીનની 3 કંપનીના પ્રોજેક્ટ પર હાલમાં રોક લગાવી છે. આ પ્રોજેક્ટની કિંમત આશરે 5 હજાર કરોડ રૂપિયાની છે. હવે કેન્દ્ર સરકારની ગાઈડલાઈન આવ્યા બાદ તેની પર કોઈ નિર્ણય લેવામાં આવશે.
ભારત ચીન વચ્ચે સતત વધી રહ્યો છે તણાવ
ઉદ્ધવ ઠાકરેએ ચીનને આપ્યો મોટો ઝટકો
3 મોટા પ્રોજેક્ટ પર લગાવી દીધી રોક
મોટા પ્રોજેક્ટ પર ખતરો
જે પ્રોજેક્ટ પર મહારાષ્ટ્ર સરકારે ચીન માટે પ્રતિબંધ મૂક્યો છે તેમાં પુનાની પાસેના તાલેગામમાં ઈલેક્ટ્રિકલ વ્હીકલની મોટી ફેક્ટ્રી છે. કહેવાઈ રહ્યું છે કે આ લગભગ 3500 હજાર કરોડ રૂપિયાનો પ્રોજેક્ટ છે. ઉલ્લેખનીય છે કે મહારાષ્ટ્ર સરકારે છેલ્લા કેટલાક દિવસમાં 12 એમઓયૂ સાઈન કર્યા છે. દરેક 3 ચાઈનીઝ કંનીઓના પ્રોડેક્ટને હોલ્ડ પર રાખ્યા છે. જ્યારે 9 પ્રોજેક્ટનું કામ હજુ પણ ચાલુ રહેશે. તેમાં અન્ય દેશની કંપનીઓ સામેલ છે. ઉલ્લેખનીય છે કે કેન્દ્ર સરકારે પણ દરેક રાજ્ય સરકારને ચીનના પ્રોજેક્ટ અને આયાત પરની જાણકારી માંગી હતી.
BSNLએ પહેલાં આપ્યો હતો ઝટકો
આ પહેલાં ટેલિકોમ ડિપાર્ટમેન્ટ ભારત સંચાર નિગમ લિમિટેડે 4જી અપગ્રેડેશનની સુવિધામાં ચીની ઈક્વિપમેન્ટ્સનો ઉપયોગ નહીં કરવાનો નિર્ણય લીધો હતો. ટેલિકોમ ડિપાર્ટમેન્ટે BSNL સાથે સંબંધિત ટેન્ડર પર ફરીથી કામ કરવા કહ્યું છે. ટેલિકોમ ડિપાર્ટમેન્ટ આ વાત પર પણ વિચાર કરી રહ્યું છે કે દેશની પ્રાઈવેટ મોબાઈલ સર્વિસ કંપનીઓના ઉત્પાદન પર નિર્ભરતા ઓછી રહે.
રેલ્વેએ પણ ચીન સાથેના તમામ કરાર કર્યા રદ
ભારતીય રેલ્વેએ ચીનમાં બનેલી ચીજોનો ઉપયોગ કરવાનો ઈન્કાર કર્યો છે. ચીનની કેટલીક કંપનીઓની સાથે અનેક કરાર પણ રદ્દ કર્યા છે. આ સમયે ભારત સરકાર ઘરેલૂ ઉત્પાદનોની નિકાસ વધારવાની કોશિશ કરી રહી છે. જેના આધારે વાણિજ્ય મંત્રાલયે અલગ અલગ દેશોમાં ઘરેલૂ કંપનીઓના નિકાસ માટેના અવસર શોધવા માટે ભારતીય મિશનની સાથે 1500 પ્રોડક્સનું લિસ્ટ જાહેર કર્યું છે.